Na Hulanda docternan ta conseha politiconan: Prohibi smartphone pa mucha bou di 14 aña

DEN HAAG - Mas di 1.400 dokter, científico y experto ta haci un yamada na políticonan pa introduci reglanan di edad pa uso di smartphone y medionan social. Segun e firmantenan di un carta urgente, muchanan no mester tin nan mes smartphone te ora nan tin diescuater aña y mester wordo permiti pa usa medionan social for di edad di dieseis aña. Docternan ta preocupa pa muchanan cu ta ricibi smartphone di nan mayornan na edadnan cada bes mas jong. Segun nan, esaki tin hopi consecuencia negativo pa nan salud fisico y mental.

DISCUSION TOCANTE USO DI SMARTPHONE

For di september aña pasa, uso di telefon celular den klas a wordo prohibí oficialmente. Varios scol basico a cuminsa haci esaki caba prome cu e tempo ey. E prohibicion riba telefon celular no ta absoluto; scolnan ta liber pa dicidi pa nan mes con nan ta implementa esaki. Tambe tin exepcion pa studiantenan cu mester di un smartphone pa motibonan medico, por ehempel.