Wilders kier cera frontera pa solicitantenan di asilo cu ayudo di ehercito: ‘Nos pasenshi a caba’

DEN HAAG – Lider di PVV Geert Wilders ta spera di por frena e afluencia cu un pakete adicional di medidanan di asilo y migracion. Den un conferencia di prensa anuncia diripiente, el a anuncia cu e kier cera e fronteranan pa solicitantenan di asilo cu yudansa di e ehercito, manda decenas di miles di sirio bek pa nan mes pais y cera centronan di asilo. “Nos pasenshi a caba, esaki mester wordo haci denter di algun siman maximo.” Wilders kier cera fronteranan pa solicitantenan di asilo siguiendo e ehempel Aleman. E lider di PVV kier desplega extra siguridad na frontera eynan, pa cual e kier desplega ehercito. “Soldanan y reservistanan tambe lo mester wordo desplega pa esaki,” Wilders ta bisa. E miembro di PVV kier stop temporalmente reunificacion familiar di solicitantenan di asilo, mescos cu Austria. “Nos a yega na e límitenan,” Wilders ta bisa. “Miembronan di famia di solisitantenan di asilo ta forma un proporcion grandi, un cuart di e entrada di asilo aña pasa. Nos mester primi e boton di pausa.”