Merca no kier Zelensky na cumbre di OTAN na Hulanda

ANTALYA - Na Antalya, e 32 ministernan di asuntonan exterior di OTAN lo reuni  como preparacion pa e cumbre grandi na Den Haag na fin di juni. Principalmente nan lo papia tocante e asina yama ‘norma NATO’ nobo, esta e porcentahe di producto interno bruto cu ta spera cu paisnan lo gasta na nan defensa. Pero tambe ta papia di algo otro den e coredonan: presidente di Ukrania Zelensky lo ta bon biní na Den Haag?

Fuentenan di OTAN ta bisa cu Merca ta opone pa Zelensky asisti na e cumbre di otro luna. Segun informe, administracion di presidente Trump ta reticente pa haci esaki, parcialmente debi na e relacion dificil entre e dos lidernan. Zelensky tabata un invitado di honor na e cumbrenan anterior di OTAN.

“Prohibi Zelensky lo ta un desaster diplomatico pa Hulanda cu ningun bosero por hustifica,” un persona enbolbi a bisa, kende a enfatisa cu ainda ta mucho trempan pa saca conclucion. E cumbre ta den seis siman, durante cua cualkier cos por pasa ainda. “Awor nos ta enfocando riba puntonan di interogacion”, e diplomaticonan a bisa.