Dowers: Tin indicacion cu hunta di comisario di Elmar y WEB lo ta tapa corupcion internamente

ORANJESTAD – Gobierno (lesa: minister Arthur Dowers) a manda yama tanto director di ELMAR como esun di WEB (atrobe) diaranson mainta y director di Utilities, pa duna cuenta riba cosnan cu lo ta sosodiendo internamente. Asina minister interino di Energia (Utilidad)  Arthur Dowers a informa den un entrevista na e portal 24ora.com diaranson mianta. Segun e mandatario, e la haya informacion cu lo tin corupcion den departamentonan di utilitidad cu ta wordo tapa pa e huntanan di comisario. E no a bisa ki tipo di corupcion pero pesey a yama, directornan di e respectivo companianan di Utilidad. Noticiacla no por a confirma esaki ainda cerca e huntanan respectivo, pero a haya confirmacion for di e presidente di e sindicato di WEB, esta SIWA, sr Erick Henriquez. De echo, sr Henriquez a splica cu e cos ta mas pio cu loke ta wordo bisa. Mientrastanto, e  mandatario encarga temporalmente cu utilidad lo kier confronta e directornan riba e temanan menciona. Segun Dowers, e huntanan lo kier cambia e structuranan interno unda cu nan por sinta mas largo den nan funcion, y gana mas placa y tambe haya suman di placa encaso nan wordo retira pa e gabinete actual.  E presidente di sindicato SIWA Erick Henriquez a confirma na noticiacla cu e situacion ta critico internamente, manera cu ta wordo raporta eyfornan.