Cuerpo policial di Aruba a despedi di sra. Trudy Hassell

Posted on 05/13/2025 9:10 am AST | Updated on 05/13/2025 9:11 am AST

MACUARIMA - Cuerpo Policial Aruba a organisa un mainta di despedida di sorpresa pa sra. Getrude Hassell mihor conoce como “Trudy”. Bou invitacion di altocomisario Arnhem, famia, coleganan y mando policial tabata presente pa duna honor, reconoce como tambe duna e ultimo yamada di despedida na sra. Trudy cu a baha cu pensioen.

INSPIRACION

Tabata for di 9 aña caba cu sra. Trudy a keda impreciona pa e trabou di Polis y tabata tin asina hopi gana, cu Polis e kier bira. Pero na e edad hopi jong como tambe e epoca ey un Polis femenino no tabata mucho aprecia. Su famia mes a keda den shock ora cu ela bisa su mayornan cu e kier bira Polis, pero su mayornan a bise cu NO. Tabata un momento no agradabel pero nunca e la “give up” su soño.

Tabata na e edad di 34 aña cu sra. Trudy a bira Polis. Ela drenta Scol di Polis na aña 1994. Tabata bou di inspiracion y bon conseho di ex altocomisario sr. Alwin Nectar, cu sra. Trudy a sigui su curason y a bay Hulanda studia na Academia Policial na Appeldoorn pa asina termina su estudio na aña 1999 cu exito y bolbe bek Aruba na unda ela tabata e prome hende muhe cu a bira Comisario di Polis. “E no tabata facil pa ta e prome hende muhe Comisario, pero mi a logra convence tur e cabayeronan cu mi por!”. Tabata palabranan di sra. Trudy hopi orguyoso.

NOMBRACION

Despues cu sra. Trudy a wordo nombra pa Comisario di Polis Uniforma pa ex Minister Rudy Croes na aña 2003, sra. Trudy a cuminsa traha mesora pa trece su vision padilanti. Cu su pensamento y meta pa Aruba ta sigur, sra. Trudy a logra a pesar cu tabata tin reto su dilanti. “Mi ta hopi orguyoso dimi coleganan cu a apoyami pero tambe a haci un tremendo trabou duramente mi trayectoria”. Mi a biba cu coleganan uniforma dor di subi riba caya hunto cu nan pa compronde nan trabou y tambe pa haci e cambio cu mester haci. Dor di ta riba caya sra. Trudy a compronde mihor e parti di Polis Uniforma y tambe e coleganan tabata compronde su punto di bista.

TRAYECTORA

“mi ta gradici tur persona cu a cana cu mi durante mi trayectoria policial, danki na boso tur!.” Sra. Trudy ta mira bek un trayectoria policial satisfecho di por a contribui pa haci un Aruba mas sigur. Cu un caracter fuerte y dicidido manera cu sra. Trudy mes a expresa ela sigui traha na bienestar di tur.

MENSAHE

Sra. Trudy den su ultimo mensahe kier a pone enfasis riba algun punto pa nos comunidad pero tambe pa e agentenan policial. Pa Sra. Trudy e ta importante pa nos comunidad por compronde e trabou di un Polis cu no ta tur ora ta facil y e por trece confusion. Pero ta importante pa comunidad compronde cu Polis ta traha pa pueblo pa su seguridad. Den union, Polis y comunidad nos por logra un Aruba mas sigur.

“Mi ta gradici tur e agente policialnan pa nan sosten. Tabata un honor pa mi di a traha pa Cuerpo Policial Aruba y pa ta band’i boso. Danki pa permitimi di ta boso Comisario di Polis Uniforma pa 22 aña.” Tabata palabranan di sra.Trudy hopi emociona pa su ultimo encuentro oficial cu Cuerpo Policial.

RECONOCE

Altocomisario Arnhem semper su vision ta pa duna honor y aprecio pa e agente policialnan cu ta y a dedica nan bida pa Cuerpo Policial Aruba na bida. Pa e ocasion aki a organisa un evento ameno pa gradici sra. Trudy pa su tempo y dedicacion na KPA. Sra. Trudy a haya un sorpresa di altocomisario como tambe a dune un aprecio di honor cu un plakkaat pa su servicio duna. Tambe a felicite ariba su hacimento di aña.

Como tradicion a haci un yamada di despedida oficial via e portofon policial pa sra. Trudy. Di e forma aki bou zwaailicht y sirena altocomisario Arnhem a compaña sra. Trudy pafor di e Centro di Husticia Santa Cruz pa asina dun’e su ultimo ayo oficial na Cuerpo Policial Aruba.

Altocomisario Arnhem ta orguyoso di sra. Trudy pa tur locual ela haci y significa pa e cuerpo. Nos ta yama danki na sra. Trudy y sigur honre na bida pa su trabou desplega pa Pais Aruba. Gosa di bo pensioen bon mereci y semper nos portanan ta habri pa cualkier conseho of bishita. Danki Comisario Trudy Hassel!

Polis na chauffeur cu a hit & run den Bernardstraat: Entrega bo mes!
SAN NICOLAS - Cuerpo Policial diahuebs anochi a haci un yamada urgentee na chauffeur cu a hit & run den Bernardstraat: Entrega bo mes! Esaki ta otro caso den menos di un siman, unda cu un automobilista ta atropeya un peaton y ta sigui core bay envez di para na e sitio. Tabata diahuebs pa 9:20 di anochi cu Central di Polis a wordo notifica cu dilanti Warda di Polis San Nicolas un auto a dal un peaton crusando caminda.
Mas Polis
Lesa Mas
Chauffeur cu a causa hit & run diahuebs anochi, a entrega su mes
SAN NICOLAS – E chauffeur hende homber den e caso di hit and run di ayera nochi riba e caminda di Bernardstraat a presenta awe mainta na warda di polis San Nicolas. Asina vocero di polis Liliana Rasmijn a confirma diabierna mainta. “ Departamento di Trafico ta bezig cu e investigacion”. Segun Rasmijn, pa loke ta e victima, esaki ainda su situacion ta critico.
Mas Polis
Lesa Mas
Famia di cinco a perde tur cos den candela di cas na San Nicolas
SAN NICOLAS – Un famia di cinco a keda sin dak diahuebs despues cu un cas riba Bernhardstraat 112 den San Nicolas a kima completamente y ta buscando ayudo. E residente Emiliano Paredes-Garcia, cu ta bini di Republica Dominicana, a perde tur su pertenencia. Paredes-Garcia a bisa cu el tabata drumi mainta ora huma a lant’e foi soño. Ora e la sali pa wak kiko tabata pasa, e cas ya tabata na candela. E no por a hasi nada mas sino sali for di cas. Ainda no tin claridad tocante kiko a causa e candela. Den cas tabatin cinco persona, incluyendo un amiga di famia, su yernanan y dos nieto di un aña y cuater aña. Pa motibo di candela, e cas a keda destrui total y e famia a keda sin ropa, muebel y sin un lugar pa keda.
Mas Polis
Lesa Mas
Aruba ta conoce su di 3 morto di trafico pa 2026 den 7 dia
ORANJESTAD - Diamars mainta pa 9:15 Central di Polis a wordo notifica di un accidente pisa riba e caminda principal Seroe Teishi. E prome informe ta indica cu un auto lo mester a bolter y e chauffeur no ta reacciona. A despacha polis como tambe ambulance cu maximo urgencia na e sitio. Na yega di polis enberdad a topa cu un Toyota Yaris color blauw numera A-69472 y e chauffeur situacion tabata grave. Ambulance ta yega na e sitio di e sucedido y ta brinda e prome assistencia medico pa despues stabelisa e victima y bay cune cu maximo urgencia pa Hospital. Specialista di trafico y polis technico a presenta pa haci nan investigacion. Departamento di slachtofferhulp tambe a wordo notifica pa brinda sosten na e victima y su famia.
Mas Polis
Lesa Mas
Aruba ta conoce su prome dos mortonan di trafico pa 2026
ORANJESTAD – Apenas 5 dia cu aña a habri, Aruba a conoce su prome dos mortonan di trafico caba pa 2026. Diadomingo pa 11:58 di anochi Central di Polis a wordo notifica di un accidente pisa riba L.G. Smith Blvd na altura di Wind Creek Casino unda un auto modelo SUV color preto a alcansa dos peaton y a sigui core bay.Central di Polis a despacha patruya y ambulance na e sitio di e sucedido cu maximo urgencia. Personal di ambulance a yega na e sitio y a duna asistencia medico na tur dos victima pero lamentabelmente no por a haci nada mas pa nan. Specialista di trafico, Dr Forensico y polis technico tabata presenta pa cuminsa nan investigacion, y departamento di slachtofferhulp tambe a presenta pa duna assistencia na e famia di e fayecidonan.
Mas Polis
Lesa Mas
Tragedia envolviendo pareha turista na St Regis Hotel
ORANJESTAD - Diadomingo pa 8:44 di mainta Central di Polis ta wordo notifica cu na St.Regis Hotel un persona lo mester a cay di balcon y no ta duna señal di bida. Central di Polis a manda polis y como tambe ambulance na e sitio menciona. Na yegada di e unidad di polis enberdad nan a topa un hende homber cu no ta duna señal di bida.
Mas Polis
Lesa Mas