- KPA: Persona deteni cu pistool y sentencia hopi lihe
- KLM tin e tripulacion di vuelo mas caro na mundo
- Gobierno di Hulanda ta bai apela contra desicion di clima pa Bonaire
- Foro Siguridad sin frontera: Colaboracion ta decisivo contra menasa moderno
- Grand slam historico di Xander Bogaerts di Aruba ta duna Padres victoria
No ta converti e debe di Covid, den un fondo di inversion
ORANJESTAD – Hulanda no ta pro pa converti e debe di Covid, den un fondo di inversion. Un fondo di inversion ta bon pa Aruba, pero no cu placa di Hulanda. Esaki tabata e comentario di e prome minister hulandes Dick Schoof durante su prome encuentro cu prensa diasabra na Aruba. Cu esaki, e ta confirma e pensamento di secretario di estad Zsolt Szabó, cu a bisa Noticiacla recientemente mescos tambe. Fondo di inversion ta un bon idea, pero cu fondo local. No manera cu e prome minister di Aruba mr Mike Eman a sugeri, y propaga durante e campaña electoral, esta cu mester converti e debe di Covid, den un fondo di inversion. Schoof a para ariba cu Aruba tin cu cumpli cu e palabracion haci, esta cu tin cu paga e debe bek. Pues no por cambia esaki den un fondo di inversion.
ENCUENTRO CU PRENSA
Durante e prome di dos encuentro programa cu prensa di e prome minister hulandes, e pregunta a bin, riba e tema aki. Y ta aki ta unda cu Schoof a reitera e pensamento di su colega Szabó, cu no ta di acuerdo pa converti e debe den un fondo. E motibo cu Szabó a duna, ta cu dificilmente por bende e idea na e pagador di belasting hulandes, cu nan tin cu bay yuda crea un fondo pa Aruba. E fiansa di Covid19, cu Hulanda a ofrece Aruba tempo di pandemia, ta paga cu placa di belasting di hulandesnan. Y e placa aki tin cu wordo paga bek. Otro alternativa no tin.
ENCUENTRO EMAN Y SZABO
Tabata luna pasa cu e secretario di estado Szabó a bin Aruba pa cera conoci cu e gabinete nobo di Aruba, y ta aki Eman a bisa e momento ey cu a opta pa no trata e tema ainda cu e mandatario hulandes, sino den su di dos encuentro, cu lo mester ta e luna aki. Sinembargo, Szabó ta bin si, pero Corsou so y no Aruba. Pues no ta sigur si esaki lo keda trata ainda cu Szabó, y sigur awof cu Schoof mes a bolbe ripiti e palabra di Szabó, cu Hulanda no ta pro pa crea e fondo di inversion segun e structura cu Eman kier.
Gobierno a habri regla pa salida anticipa di ambtenaar
ORANJESTAD – Gobierno di Aruba ta duna ambtenaar un biaha mas oportunidad pa sali di servicio voluntariamente promé cu tempo, conoci como VUT. E regla ta core for di 15 di april te cu 15 di juni 2026 y tin como meta pa baha costo di personal den gobierno.
Gobierno a firma conbenio cu EOZ Bonaire pa mehora cuido di studiante na Aruba
ORANJESTAD - Gobierno di Aruba, representa pa e Minister di Educacion, sra. mr. Gerlien Croes, a firma un convenio di colaboracion cu Expertisecenter Onderwijs en Zorg (EOZ) di Boneiro. E convenio aki ta forma parti di un strategia nacional pa fortalece sistema di cuidonan pa muchanan y hoben na Aruba. E colaboracion ta enfoca riba mehoracion di calidad di diagnostico, intercambio di conocemento profesional y reduccion di tempo di espera pa muchanan cu tin necesidad di sosten educativo y psicologico. Meta principal di e colaboracion aki ta pa brinda sosten mas rapido na muchanan cu tin necesidad di yudansa na e momento cu e mas mester dje.
Gobierno di Aruba a actua pa frena impacto global
ORANJESTAD – Gobierno di Aruba ta sigui de cerca desaroyonan global y ya a tuma medida concreto pa proteha poder di compra di ciudadano, den medio di tension internacional cu por impacta prijs di petroleo y costo di bida.
Eman: Gobierno a bira e rumbo—awor impacto real ta conta, no solamente cifra
ORANJESTAD - Prome Minister Mike Eman a comparti cu e prome aña di gobernacion di coalicion AVP–Futuro a marca un cambio importante: di enfoke riba cifra macroeconomico, pa impacto real den bida diario di ciudadano.
Gobierno ta move na De Vuyst: mehoracion ta visibel, pero bario kier mas accion
DE VUYST - Gobierno di Aruba, hunto cu FCCA, a cuminsa renobacion di bario De Vuyst cu enfoke riba mehora calidad di bida, no solamente infrastructura. Proyecto ta inclui renovacion di mas o menos 40 cas, mehora caminda, espacio recreativo y area comunitario.
Pieters(PPA): Costo di bida ta subi rapido na Aruba: presion global y impuesto ta empuha prijsnan
ORANJESTAD – Segun parlamentario Eduard Pieters di partido PPA, costo di bida na Aruba ta subi rapidamente, influensa pa factor global manera aumento di prijs di petroleo y costo di transporte. E desaroyo internacional, incluyendo subida di prijs di energia, ta impacta directamente un isla cu ta depende hopi riba importacion. Un aumento di cerca 25% den costo di flete lo contribui na prijs mas halto pa producto basico, loke ta afecta consumidor directamente. Alabes, e sistema di impuesto actual ta haci cu cada aumento internacional ta wordo multiplica localmente, aumentando presion financiero riba famianan y empresanan. Segun e informacion presenta, tin posibilidad pa mitiga e impacto pa medio di cambionan den sistema fiscal y reduccion di carga riba costo di transporte y producto esencial. En general, e situacion ta mustra cu presion riba costo di bida ta creciendo, mientras necesidad pa medidanan economico pa suavisa e impacto riba poblacion ta keda importante.
Follow NoticiaCla
