Conclave pa scohe Papa nobo ta inicia awe diaranson

CIUDAD VATICANO – E asina yama ‘conclave’ pa scohe Papa nobo ta inicia awe diaranson na Ciudad Vaticano. Pa 4:00 PM e 133 cardinalnan cu por vota,  ta wordo spera den Kapel Paulina pa un sirbishi di oracion. Despues nan ta bai den proseshon, cantando Veni kreador Spiritus (Bin Spiritu Santo), pa e Kapel Sistina den cercania caminda tur cos mester sosode. E kapel a wordo comberti den e ultimo dianan pa e evento grandi. Asina ta pone e stoofnan den cual ta kima e stembiljetten. Huma preto ta sali for di chimenea si no tin un candidato cu un mayoria di dos tercera parti ainda, huma blanco ora nan ta afo.

E 133 kardinalnan cu ta participa cada un ta hura di secreto. Tur celular a wordo entrega caba na Casa Santa Marta. Despues di un meditacion cortico, ta toca “extra omnes”, despues di cual tur hende cu no tin mas negoshi eynan mester bandona e kapel. Tradicionalmente, e cardinal-diacono mas jong ta cera e porta y e conclave ta cuminsa di berdad. Den e ‘camber di lagrima’ banda di e Kapel Sixtina, paña papal ya ta cologa cla, den tres tamaño:

E conclave ta cuminsa cu un prome buelta di votacion pa determina cua candidatonan por conta cu sosten. Esei probablemente lo no produci un ganada ainda. E huma cu ta sali awe nochi algo despues di 7or lo ta preto ainda. E participantenan lo pasa anochi den Casa Santa Marta, e cas di huesped di Ciudad di Vaticano. Entrante mañan lo tene dos buelta di votacion den oranan di mainta y atardi. E munduo pafo ta wordo informa tocante e progreso dos biaha pa dia: na cuminsamento di atardi y durante anochi. E huma ta preto of e huma ta blanco?

Si no a haci escoho despues di diesdos pa diestres votacion, ta sigui un dia di oracion y reflecion prome cu votacion reanuda.

HABEMUS PAPAM

E decision lo wordo tuma ora cu un di e candidatonan haya un mayoria di dos tercera parti. E ora ey no solamente lo tin huma blanco visibel, pero e bel grandi di San Pedro tambe lo bati un zonido festivo. Despues di algun tempu, e protodiacono cardinal ta aparece riba e balcon di e palacio papal. E ta bisa, “Habemus papam” (nos tin un papa) y ta nombra e lider nobo di iglesia y e nomber cu e lo carga como papa.