Salazar: Tuberculosis ta un malesa oportunista

ORANJESTAD - Tuberculosis (TBC) ta un malesa oportunista: E ta probecha di e condicion di salud di e pashent. Esey tabata pensamento di e microbiologo Wilmer Salazar, actuando como consehero medico di Departamento di Salud Publico, riba e tema di TBC splica cu Tuberculosis no ta representa un menasa pa Salud Publico na nos isla, mirando cu e situacion na KIA ta controla. Ta importante pa remarca cu aunke e malesa aki ta contagioso, e no ta transmiti pa medio di comparti paña of contacto indirecto cu esun infecta.  Pa un persona keda contagia cu Tuberculosis, e mester tin contacto di cerca ('close contact') pa un periodo largo cu un persona cu tin e malesa activo, cu otro palabra un persona cu ta presentando sintoma.  Tuberculosis ta wordo transmiti pa medio di e particulanan cu ta sali den aire despues cu e persona infecta ta tosa of nister.