- Delegacion di Moody's na Aruba pa evalua rating financiero
- Segun minister Wever, CAft ta duna conseho positivo riba presupuesto 2025
- Wever: Gasolin y Diesel lo baha di prijs 1 di mei
- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
Wardacosta lo bai hasi controlnan riba lama durante Semana Santa
ORANJESTAD - Wardacosta a informa doño/capitan di boto y seadoo, pa carga e siguiente documentonan ora subi lama; ‘vaarvergunning’ y ‘vaarbewijs’. Zorg tambe pa tin vest di salbabida pa tur tripulacion y pasahero abordo. Ta importante pa corda pa no bai cu dimas pasahero riba boto. Esaki ta pa evita un posibel situacion peligroso.
Tambe ta importante pa informa famia unda bo ta bai cu bo boto, pa na momento cu un situacion peligroso presenta, famia sa unda bo ta y asina por informa Wardacosta debidamente. Ta bon pa botonan tin un lifering y tambe un anker ku suficiente cabuya a bordo.
Wardacosta lo tey presente riba lama cu diferente di su botonan durante di Semana Santa. Asina nos por vigila y brinda siguridad riba lama. Vigilancia riba cuido di naturalesa tambe ta parti di control di Wardacosta. Area nan cual Wardacosta lo vigila ta; San Nicolasbaai, Commandeursbaai, Barcadera haven/Lagoen, Spaans Lagoen, High rise Hotel, Arashi-Lighthouse, Rincon, diferente Rif, Baby Beach y Eagle Beach.
Wardacosta ta avisa tur doño di boto pa laga hasi mantencion prome cu subi lama. Zorg pa bo tin sufisiente medionan di seguridat y ekipo di rescate na bordo, tal manera: zwemvest, EHBO kit, sufisiente awa, aparato pa paga candela, radio VHF of telefon celular ku bateria ful carga. Di e forma aki por minimalisa e chens cu bo boto ta daña na caminda y cubo haña bo den un situacion peligroso riba lama cu bo boto y bo pasaheronan. Den caso cu bo mester di yudansa, bo por yama Wardacosta riba e number 913 of Whatsapp +5999 510 0913.
Wardacosta a rescata dos piscado den laman cerca di Rodgers Beach
E falta di confiansa di Aruba den RST ta algo di pasado awor
ORANJESTAD – Pa un tempo, Aruba no a forma parti di e instancia hudicial conoci como Recherche Samenwerkings Team (RST) debi cu tabatin falta di confiansa, primordialmente debi na e cultura di miedo. Pero, segun e hefe Ans Rietstra, esaki a keda resolvi for di 2019, y ta pone cu Aruba un biaha mas por a conta cu ayudo di e departamento aki.
Rietstra: No por mira RST como un cuerpo di polis hulandes
ORANJESTAD – E departamento hudicial conoci como Recherche Samenwerkings Team of RST, no por wordo mira como un cuerpo di polis Hulandes. Asina e hefe, Ans Rietstra a sigura den e programa Noticiacla LIVE diahuebs anochi. Asina e ta purba coregi e imagen robez cu tin di e departamento.
Wardacosta di Caribe a inverti hopi den personal na 2024
ORANJESTAD - Wardakosta di Caribe a invertí hopi aña pasa den formashon i edukashon di personal. E meta ta pa crece bira un organisacion cu por opera independientemente 24/7 e aña aki. Ta p’esei mas o ménos 70 funshon di tempu kompletu lo wòrdu agregá. Por lesa esaki den e Relato Anual di Wardakosta di Karibe 2024, ku a keda publiká awe.
Marina ta intercepta 3 transporte di droga den un siman di tempo
Grupo grandi di polis a cuminsa Midden Kader Opleiding
MACUARIMA- Fortalece y renoba nos profesionalismo ta un prioridad pa e desaroyo di nos Cuerpo. Mescos ta inverti den desaroyo di nos coleganan policial. E siman aki a cuminsa un otro klas di MKO ( Midden Kader Opleiding) na Scol di Polis E.J. Watty Vos. Ta trata aki di otro grupo grandi di mas cu 20 agente cu a cuminsa nan trayectoria policial di liderazgo. Altocomisario Arnhem tabata presente na e apertura di e curso y a desea e coleganan hopi exito pero tambe preserverancia pa cu e curso encuestion cu lo ta uno intensivo pero na final di dia lo ta uno di balor agrega den nan carera policial.
Follow NoticiaCla
