Guera comercial ta escala: China ta subi invoerrechten di Merca na 125 porciento

WASHINGTON - China ta hisa e tarifanan riba mercancianan importa for di Merca te na 125 porciento. Asina Ministerio Chines di Finanzas a informa. E heffingnan aumenta lo drenta na vigor mañan.

E ta un escalacion mas den e guera comercial entre e dos paisnan. E derechonan di importacion di China riba mercancia mericano ya a wordo hisa na 84 porciento como contesta riba e tarifanan mericano. Como contesta, presidente di Merca Trump diaranson a hisa e invoerrechten riba mercancia Chines na 145 porciento.

China ta yama e aumento di tarifa di salto “malabarismo di cifra, sin niun nificacion economikc,” den palabranan di un bosero di e Ministerio di Comercio di China. “Nan ta e cos di hari di e economia mundial.” Tog e pais ta sintié obliga pa implementa un aumento mas. “Nos lo bringa te na final amargo.”