• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

De Kort: Corte di husticia tambe ta afecta pa situacion di stress

ORANJESTAD – Durante instalacion di e vice presidente di Corte, Jane Jansen diabirna ultimo, presidente di Corte, mr Mauritsz de Kort a admi cu Corte di husticia ta sufriendo di stress di trabo. “ Nos tambe ta eksperensiá e strès hudisial aki denter di Korte. Esaki por ta debí na e naturalesa di e trabou òf e intensidat di un asuntu. E por redusí e kantidat di trabou tambe, pa motibu di e kantidat di kosnan riba nos sèn. Òf pa motibu di e dinámika kambiante den sosiedat. Nos Corte a bin ta traha den e mesun cuadronan financiero y organisatorio, mientras cu e trabounan den e añanan ey a aumenta significativamente” de Kort a bisa durante su discurso. Segun de Kort, nan trabou ta birando mas kompleho i siudadanonan ta birando mas franko. Esaki ta kondusí na un situashon kaminda en realidat nos ta ‘komiendo nos mes’. Demasiado trabou, muchu preshon i muchu tiki tempu i rekurso. Ku esaki nos ta hasi nos hendenan tin bia ta kai kòrtiku, nos ta kima nos mes afó.

“ Nos huesnan - pero tambe nos otro koleganan - ta hendenan hopi leal i deber. Pero e señalnan di koleganan - ku tin bia simplemente nan no tin tempu i energia mas pa tareanan adishonal - no ta di pèrdè pa tende. Miéntras ku e tareanan aki ta insaciable: asina nos ta envolví den e supervishon di e profeshon di notario, e Hunta di Apelashon i e Hunta di Supervishon di e profeshon Hurídiko, supervishon di alguacilnan, dòkternan i botikarionan, pero tambe den komiténan di selekshon pa e Fiskal General, pa e rektor nobo magnífiko di universidatnan i nombramentu di e miembronan di Konseho Elector” de Kort a sigui bisa. Segun de Kort, nos ta wardadó di kosnan ku - den e kuadro di lei penal - a wòrdu tuma den beslag. Nos ta e ehekutor di un kantidat di registro, manera e registro di outoridat i e registro di insolvensia. I nos ta train kandidatonan nobo pa bira hues.

“Pero banda di tur e tareanan aki nos tin tambe nos tarea prinsipal krusial: skirbimentu di huisio i atendé kasonan. Casi bo por a lubida… Si un huez den e drukte aki bisa: ‘Mi no por haci’e mas’, anto algo di berdad a pasa na man. E ora ey e fundeshi no ta na ordo. Pa e motibu ei nos tin internamente un midimentu di liña di base a wòrdu hasí di e eksperensia di strès hudisial. I e resultado ta kla: nos tin falta di personal na tur nivel”. Esei ta un señal importante  segun de Kort, pa e gobièrnunan di e paisnan pa kua nos Korte ta traha: sostené nos den esaki, invertí mas den e poder hudisial i e restu den e próksimo añanan di e kadena. Bo ta hasi esaki no solamente pa nos bienestar, pero tambe pa esun di nos sosiedat.” P’esey mi ta hopi contento cu e ambicion di e gobierno Arubano entrante: e programa gubernamental nobo ta bisa literalmente cu ‘e capacidad di tur instancia hudicial mester wordo hiba na nivel pa nan por haci nan trabao efectivamente.’ E ambicion y sosten aki tin poder hudicial tambe mester”.

Pero de Kort ta bisa tambe cu e kier keda realístiko tambe: “ Riba merkado laboral, nos komo Korte ta dirigí kompetensia di gobièrnunan i instansianan ku ta traha ku nos pa konstruí sosiedat. Pensa riba Banconan Central, Aqualectra na Curacao of Elmar aki na Aruba y no lubida sector priva. Nos ta piska huntu den un vijver chikí di abogadonan karibense i otro profeshonalnan”. E texto ta scirbi den Papiamento fonetico di Corsou. Pa e discurso completo, click AKI.