Aruba no a scapa di e lista di paisnan cu Merca lo cobra 10% extra na impuesto

WASHINGTON – Aruba no a scapa di e tarifa ‘nobo’ extra cu Merca lo cobr’e riba tur cos cu Aruba importa di Merca. Manera cu ta conoci, presidente Mericano Donald Trump a revelá plannan di tarifa nobo como parti di loke e ta yama ‘Dia di Liberashon’ — i ningun pais ta wordo gespaard. Aruba (y Corsou) tambe ta aparece riba e lista di pais. Bonaire si no ta aparece riba e lista aki. 

E REGIMEN DI TARIFA

E regimen di tarifa, describi pa Trump como un “tarifa di base universal,” tin como meta pa pone un impuesto di importacion fiho di 10 porciento riba tur mercancia cu ta drenta Merca. Sinembargo, esaki ta djis un parti di un strategia mas amplio: tur pais na mundu tambe lo enfrenta tarifanan reciproco di Merca basa riba con nan belasting riba mercancia mericano actualmente ta. Trump su politica comercial “Merca Prome” lo mira tarifanan subi pa paisnan manera Lesotho, cu tarifanan reciproco di Merca yegando te na 50 porciento. Pa wak e lista completo, click AKI.