Organisacion HIAS Aruba ta cera su portanan debi na medida di presidente Trump

ORANJESTAD - Desicion di presidente di Merka Donald Trump pa corta financiamento di yudansa den exterior ta forsa e agencia di yudansa HIAS pa stop di duna yudansa humanitario den Caribe. Asina e portal di noticia Caribisch Netwerk ta raporta. Segun e portal, e sucursal di Aruba HIAS tambe ta wordo afecta severamente door di e medida di Trump. Pa HIAS Aruba esaki ta nifica cu mesora nan a para nan proyectonan y lo cera nan portanan dia 30 di maart. “Sinceramente, no ta facil pa cera un organisacion y para e trabounan cu nos a haci. Pero nos ta contento cu e trabounan cu nos a sa di haci no tabata envano,” un empleado di HIAS a bisa e grupo di asistente.

Despues di e presentacion cortico, un grupo di migrante ta tuma e oportunidad pa bisa “danki” na HIAS cu borchinan na Spaño. “Mi ke gradisí boso tur pa bin awe nochi pa sostene nos den e momentunan difísil aki pa e tim,” un di e empleadonan di HIAS a contesta emocionalmente. E organisacion humanitario a tene un anochi di informacion pa contesta preguntanan di comunidad y, caminda por, referí esakinan na otro organisacionnan (lokal). Pa e grupo di migrantenan presente, tabata principalmente un momento pa gradici HIAS y reflexiona riba con nan a wordo sosteni durante e ultimo seis añanan.

Hub pa Caribe Na Aruba, e organisacion a yuda hendenan di otro paisnan cu tabatin mester di ayudo, pero tambe a yuda hendenan vulnerabel riba e isla mes. Mayoria di e actividadnan di HIAS durante e ultimo dos añanan a tuma luga na Aruba, cu solamente 4 porciento na otro islanan den Caribe. Aruba tambe a sirbi como hub pa amplia operacionnan den Caribe desde 2021. Pa migrantenan cu kier a integra riba e isla, esaki a nifica un oportunidad pa haci conexionnan y desaroya mas dentro di e sociedad local. Esaki a conta tambe pa un di esnan presente, kende a gradici HIAS pa nan esfuersonan. "Kisas esakinan ta lagrimanan di alegria, pasobra boso a haci un trabao hopi bunita. Mi ta di e grupo di baile Folklorico Dominicano y a sa di participa den varios evento di e centro comunitario di Playa Pabao. Mi a biba riba e isla pa cuarenta aña y tabata hopi dushi pa mira tur e muchanan durante dianan di fiesta nacional y tambe tur e comunidadnan hunto na esunnan ta bisa.

Refugiadonan HIAS, cu ta un di e dies instancianan di re-establesemento di refugiado, ta splica cu UNHCR lo tuma over como e punto di contakto pa refugiadonan riba e isla. Empleadonan di e organisacion di refugiado no tabata permiti pa duna Caribbean Network un declaracion oficial tocante con e situacion lo afecta nan carga di trabou. E mesun siman ei, e organisashon, cu a ricibi mas cu 40 porciento di su presupuesto di casi $5 biyon for di Merca aña pasa, a bisa den un declaracion na The Associated Press cu e vries den financiamento di Merca enberdad ta teniendo un impacto riba su operacionnan. E promemedidanan di cortamento di gasto lo consisti di cortamento di $300 miyon den actividadnan plania. NOTA: Texto ta di Caribisch Netwerk y potret ta di Melissa Stamper.