- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
Aeropuerto di Aruba a registra mas di 280 mil pasahero na januari 2025
ORANJESTAD – Aeropuerto a duna inicio na 2025 cu un crecemento constante den trafico y operacionnan di pasahero, reflehando un comienso fuerte di aña. Asina e portal di aeropuerto di Aruba ta raporta diabierna.
REGISTRO
E aeropuerto a registra un total di mas cu 289.868 pasahero, marcando un aumento di 8.1% aña tras aña na januari di 2025. Movecionnan di avionnan comercial tambe a mira un aumento signifikante, cu ta totalisa 1.266, reflehando un cresemento di 6.5% compara cu januari 2024. Pasaheronan di entrada cu a genera (GRP) a mustra un rendimento fuerte cu 28% di pasahero. Cu ta un aumento, surpasando 145.900 pasahero.
RENDIMENTO DI MERCADO
Pa loke ta e rendimento di mercado, e mercado mas grandi di Aeropuerto di Aruba, esta U.S., a mantene su dominio cu un market share di 68%, conociendo un crecemento di 4% den RGP y un crecemento di 2% den capacidad di asiento. Latino America, e di dos mercado mas grandi, a demostra un crecemento notabel cu un aumento di 25% den RGP y un aumento di 6% den capacidad di stoel. Canada y Europa tambe a mustra tendencianan positivo den RGP, cu aumentonan di 7% y 9% respectivamente, apesar di fluctuacionnan den capacidad di asiento.
MIHO AEROLIÑA
E miho companianan di aviacion pa RGP na januari 2025 tabata JetBlue lider cu un parti di mercado di 19%, sigui pa American Airlines na 17%, Delta Air Lines na 15%, United Airlines na 12%, y Avianca Airlines na 5%. Pa loke ta trata portanan, New York (JFK, EWR, LGA) a lidera cu 23% di capacidad di asiento, sigui pa Boston (BOS) na 12%, Miami (MIA) na 7%, i tantu Toronto (YYZ) komo Bogota (BOG) na 6%.
MIRA PADILANTI
Mirando padilanti den 2025, Aeropuerto di Aruba ta anticipa mantene su nivelnan di trafico actual cu frecuencianan di vuelo adicional planea den henter e regionnan di Norte America y Latino America. E aeropuerto ta keda compromete na mehora conectividad y ofertanan di servicio pa cumpli cu e demandanan creciente di biaheronan.
Aruba y Corsou sugeri como destinacion mas amigabel pa LGBTQ mericano
MIAMI/ ORANJESTAD – Pafo di Merca, expertonan di biahe ta recomenda varios destinacion pa parehanan LGBTQ+ cu ta bay luna di miel. Den Caribe, e fundador di Paradise Weddings, Jason Wright ta señala Aruba como un opcion memorabel pa parehanan, den e portal conoci Travelpulse. “Aruba ta uno di e islanan mas amigabel pa LGBTQ den Caribe,” el a bisa. “Matrimonio entre hende di mesun sexo ta legal, eventonan di pride ta wordo celebra y e oficina di turismo ta promove inclusion activamente. E ta perfecto pa parehanan cu kier beyesa caribeño pa nan luna di miel.” Su hotelnan preferi aya ta e hotel solamente pa adulto Bucuti & Tara Beach Resort y Renaissance Wind Creek Aruba Resort.
Lotto: Aruba por conoce su prome miyonario nobo pa 2026 awe
En conexion cu Dialuna di Carnaval, dialuna no tin sorteo di Lotto
Tin interes creciente pa Starlink pa Aruba, pero su efecto por ta limita
ORANJESTAD – Na Aruba e interes pa uso di e servicio di internet remoto Starlink ta creciendo. E forma di opera, compara cu sistema satelital tradicional,ta hacie interesante pa hopi isla. E ta traha diferente haciend’e un solucion efectivo pa area caminda no tin infrastructura di cable of fibra optico. Pero, segun director di SETAR, Roland Croes na Noticiacla, SETAR mes tin Aruba cubri totalmente pues e efecto pa uso remoto di internet ta casi nulo. Consecuentemente, e pensamento cu Starlink ta un bon reemplaso, no tey.
Lotto Aruba: Awe abo por ta e prome miyonario di Aruba pa 2026!
Croes: E producto di celular WOW a establece existencia di SETAR tempo di su tempo
ORANJESTAD – Durante su 40 aña di existencia, e compania di telecomunicacion SETAR, a produci centenares di Proyecto, product y cada uno tabatin su merito. Pero, riba pregunta reciente di periodista Tito Laclé na e director Roland Croes durante e programa Noticiacla LIVE, si tin un producto, cu a tipifica e compania y a pone riba e mercado, e contesta tabata, e product WOW. E servicio di telefon cu por a manda potret via telefon cellular pa otro cellular. Algo cu awendia ta algo ‘normal’. Esaki, segun e director Roland Croes, tabata un ‘game changer’ y cu a establece e existencia di SETAR na comienso di existencia di e compania. Asina e director a bisa e siman aki durante e programa Noticiacla LIVE.
Follow NoticiaCla
