Wardacosta a rescata dos turista riba waverunner

ORANJESTAD - Diasabra pa 5:31 di mainta, Central di Polis ta wordo notifica via Alarm Central cu un auto lo mester a drenta lama na altura di Malmok.

SANTA CRUZ - Un base solido y fuerte ta e esencia strategico den nos organisacion. Esaki ta trata di hende, recurso, suficiente personal y material adecua. Tambe reconocimiento pa e personal via posicion legal, balora nan funcion y duna e perspectiva den su desaroyo ta un di e puntonan importante pa e desaroya di nos personal.

ORANJESTAD  – Hoofdinspecteur Alvin Molina ta bolbe na Cuerpo Policial di Aruba y lo tuma cargo temporario como interim-hefe di e departamento di investigacion riba 21 di december. E ta tuma e funcion aki di inspector Humphrey Koolman.   Molina ta traha hopi siman awor hunto cu Koolman pa prepara pa su nobo rol. E ta familiarisa su mes cu e trabounan, conocemento y e manera cu e departamento di investigacion ta funciona. 

ORANJESTAD Diamars atardi te cu mey anochi agentenan policial di Districto di Oranjestad a tene un control di trafico hunto cu DTP.  A controla un total di 297 vehiculo tanto auto y brommer. Un control policial tanto prevento y represivo. Tabata tin diferente boet pa entre otro, maneha auto sin belasting valido, sin seguro valido, sin keuringskaart valido, sin safety-belt y diferente otro infraccion.

SANTA CRUZ – Polis e siman aki a detene casi 20 chauffeur durante control di trafico. Agentenan policial di Santa Cruz tambe a tene nan control den trafico fin di siman cu a pasa. A enfoca pa tene e control riba chauffeur bou influencia di alcohol den oranan di marduga te cu mainta.

ORANJESTAD - Ayera, alrededor di 6’or di atardi Wardacosta a ricibi un melding di Cuerpo Policial di Aruba (KPA) cu un homber cu ta adicto sin cas a perde riba lama. Mesora KPA a cuminsa busca e homber perdi den e area di e costa di Bushiri, Manchebo y Eagle Beach. Wardacosta tambe a desplega un boto chikito y un Metal Shark pa e area di rif di Barcadera. Durante e buskeda, tanto e helicopter como e avion Dash di Wardacosta a wordo desplega pa yuda cu buskeda entre e boortoren (caminda e homber probablemente a landa bai) y e costa. Inicialmente, e buskeda conhunto no a duna resultado, pero alrededor di 10 or di anochi e avion Dash a mira e persona perdi cerca di e plataforma. E tripulacion di e avion a notifica tanto e helicopter como e Metal Shark despues di a mira e homber. Mesora e helicopter a cuminsa hisa e homber for di awa. Despues di a his’e, a hiba e homber pa Aeropuerto Reina Beatrix, unda Cuerpo Policial di Aruba y ambulance tabata presente pa asisti’e. E homber lo sigui risibi asistencia di autoridadnan local.