- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Fitch Ratings a upgrade Aruba pa ‘BBB-’ for di ‘BB+’
NEW YORK - Fitch Ratings a upgrade Aruba diamars di BB+ pa BBB-. Y e perspectiva ta keda positivo. E upgrade pa ‘BBB-’ segun Fitch, ta refleha progreso considerabel den e reduccion di Aruba su quota di debe general di gobierno, sosteni pa surplusnan fiscal halto recien. E upgrade tambe ta wordo sosteni pa e institucionalisacion continuo di e cuadro fiscal via ehecucion exitoso di tres regla fiscal y sosten institucional y financiero demostra di Hulanda.
GOBERNACION FUERTE
Forsa adicional ta deriva for di gobernacion fuerte segun Fitch, entrada halto pa capita, surplusnan grandi di cuenta coriente y acumulamento solido di reservanan internacional. E ratingnan ta limita pa debe halto, aunke ta bahando rapidamente, y pesonan di interes ainda halto relaciona cu pareunan y e vulnerabilidad di e economia di turismo di un solo pilar pa shocknan externo.
PERSPECTIVA POSITIVO
E Perspectiva Positivo ta refleha e posibilidad di mehoracion continuo di e metricanan fiscal di Aruba; incluyendo un bahada mas aleu den debe di gobierno pa GDP, sostene pa e institucionalisacion mas aleu di e cuadro fiscal y profundisacion di lasonan cu Hulanda, manera representa pa e potencial aprobacion di un Lei di Reino. Pa lesa e rapport completo, click AKI.
AHATA kier e.o. moratorium di hotel y condominium na Palm Beach y Eagle Beach
ORANJESTAD - Aruba Hotel & Tourism Association (AHATA) ta representa tur sector di acomodacion: hotel, timeshare, short term vacation rental, y demas compania cu ta depende di Aruba su turismo pa ta exitoso. Y diabierna e la presenta un lista di deseo y punto di orden pa loke ta desaroyo di turismo na Aruba:
Hospital Horacio Oduber a firma CAO nobo cu sindicato ABV
ORANJESTAD – Diamars Hunta di Directiva hunto cu e team di negociacion di Horacio Oduber Hospital (HOH) y tambe sindicato di ABV a yega na un acuerdo pa un cao nobo cu lo ta valido entre 1 di januari 2026 te cu 31 di december 2028. A start cu negociacion riba 14 di april y despues di 15 reunion cu hopi satisfaccion ta anuncia awe cu a firma un otro logro pa coleganan di HOH teniendo na cuenta cu e cao actual ta caduca dia 31 di december 2025.
Hilton ta revela 26 apertura emocionante pa 2026 y un di nan ta na Aruba!
NEW YORK / ORANJESTAD - For di e skyline brillante di Arabia Saudita te na e caya biba di Lisboa — Hilton a anuncia un seleccion di apertura di hotel altamente spera. Y The Westerly na Hilton Aruba Caribbean Resort & Casino ta un di nan.
Cama di hospital na Aruba ta casi semper ocupa, hopi mas halto cu den UE y Merca
ORANJESTAD – Hospital Horacio Oduber (HOH) a registra den 2024 un promedio di ocupacion di cama di mas o menos 87 porciento. E cifra aki ta hopi mas halto cu e promedio den tanto Europa como den Merca. E nivel halto di ocupacion ta mustra un uso intensivo di e capacidad hospitalario na Aruba y ta subraya e presion riba e organizacion di cuido, segun ta bisa den e raport anual di Hospital Horacio Oduber. Pa compara: den Union Europeo, e promedio di ocupacion di cama tabata 77 porciento den 2022, segun dato di Eurostat. Den Merca, e porcentaje aki normal ta entre 62 y 66 porciento, segun raport di Centers for Disease Control and Prevention (CDC) y American Hospital Association. Esaki ta nifica cu e cama na Aruba ta ocupa promedio 10 punto di porciento mas cu na EU y mas cu 20 punto mas cu na Merca. Cu un nivel di ocupacion riba di 85 porciento, HOH ta forma parti di e top internacional den uso di cama hospitalario.
Ex minister Croes lo mester paga AWSS y Utilities mas di 40 mil florin bek
ORANJESTAD – Ex minister Glenbert Croes lo mester paga mas di 40 mil florin bek na Utilities Aruba y Aruba Wastewater Sustainable Solutions NV (AWSS), y mester a haci esaki dentro di 5 dia cu e carta cu e exigencia, keda entrega. Asina abogado di e dos companianan ta bisa, den un carta cu ta den poder di Noticiacla. Segun e carta, Croes lo a ricibi e suma aki, siendo cu e tabata hayando un overbruggings toelage caba, cu ta haci cu tur e placa hunto, e tabata gana mas cu un prome minister. ‘Como tal cliente kier pa paga e suma menciona bek’, e carta ta sigui bisa. Si no cumpli cu e pago den e tempo stipula, lo e companianan tuma paso legal contra e ex minister y lo por inicia cobransa obligatorio.
Delta Air Lines ta amplia su red di biahe pa verano di 2026 cu buelo pa Aruba
ATLANTA – Delta Air Lines (DL) ta amplia su red di biahe recreativo pa verano di 2026 cu buelo directo solamente diasabra den tur Norte America y Caribe. E ruta nobo aki tin como meta pa conecta biahero directamente cu destinacionnan di vacacion popular manera Bozeman (BZN), Aruba (AUA) y Nassau (NAS) sin escala.
Follow NoticiaCla
