Famianan ta pidi pa yuda busca esnan perdi riba boto den laman entre Venezuela y Corsou

CARACAS - A traves di medionan social – specialmente Facebook – familiarnan di personanan perdi riba boto recientemnte, a publica mensahenan expresando nan angustia y dolor, declarando cu nan familiarnan tabata riba e boto cu a purba drenta Curacao ilegalmente y a sink den awanan internacional, hopi cerca di e isla.

Un lista oficial di e nombernan di e personanan cu tabata abordo di e boto cu a sali diadomingo dia 2 di maart, for di San José de la Costa, den e estado di Falcón, y a bolter na caminda pa e isla di Curacao, no a wordo publica ainda.

Tabatin tambe   María Guadalupe Jiménez Navarro, un muhé di 29 aña cu a fayece na Willemstad, despues di a wordo rescata riba laman hunto cu nuebe otro persona dor di Wardacosta di Caribe Hulandes diamars 4 di maart.

“Mi ta spera cu Dios tene bo scondí i bo por yega cas pronto.” “Mi ta bai sinti falta di mi mayornan y mi prinses asina tanto, mi Dios, dicon.” Cu e tipo di comentarionan aki, acompaña pa potret, parientenan ta pidi yudansa pa haña e paradero di nan sernan keri. Despues di un revishon di e rednan, 11 persona presunto perdi a keda identifica.