- Hospital Horacio Oduber tambe a participa na simulacro pa Tsunami awe
- Corsou ta den gara total di eleccion pa diabierna!
- Hospitalnan na Hulanda ta anuncia welga nacional
- Kirsty Coventry eligi como presidente nobo di Comite Olimpico Internacional
- Gobernador Boekhoudt a ricibi Consul General a.i. di Merca
AIB Bank ta participa na congreso 'ALIDE Human Talent Congress' na Peru
(ADVERTORIAL)
ORANJESTAD - Como miembro activo di e 'Asociación Latinoamericana de Instituciones Financieras para el Desarollo (ALIDE)', AIB Bank ta orguyoso di participa na e 'Congreso ALIDE de Talento Humano de Bancos en Desarollo: Diseño e implementación de estrategias disruptivas de talento humano: casos de éxito en la era digital'.
AIB Bank a wordo representa na e congreso door di colega Marilinda Mansur-Croes. E congreso ta duna oportunidad pa combersa cu lidernan den e industria bancario y explora strategianan pa desaroyo di talento humano den e era digital. E ta ofrece un plataforma for comparti conocimiento, colaboracion, y e intercambio di 'best practices' entre institucionnan financiero dedica na desaroyo sostenibel.
AIB Bank ta entusiasma pa contribui na e combersacionnan importante aki, y pa haña mas perspectiva, cual ta reforza nos compromiso cu inovacion y exelencia den nos maneho di capital humano.
Banco Central a reduci e reserva obligatorio pa banconan comercial
ORANJESTAD - Entrante 1 di februari 2025, Banco Central di Aruba (CBA) a reduci e tasa di reserva obligatorio di 14,5% pa 13,5%. E decision monetario aki ta baha e balansanan minimo cu banconan comercial local mester tene na CBA, aumentando asina e fondonan disponibel pa prestamo y pa inversion.
Aeropuerto mes, sin ayudo di RSG, ta buscando un CEO nobo
ORANJESTAD – Aeropuerto di Aruba a cuminsa oficialmente cu su buskeda pa un CEO nobo, despues cu for di aña pasa juli, e ta oficialmente sin CEO na cabez despues cu e ultimo CEO, Joost Meijs a opta pa bandona Aruba prome cu su tempo. For di e tempo ey, tres arubiano, Jurgen Benschop, Barbara Brown y Aisha Anthony ta na cabez como un management team. Pero segun minister demisionario di turismo, responsabel pa aeropuerto Dangui Oduber a confirma pa noticiacla cu e buskeda a cuminsa, mirando cu mester haci algo. Loke ta hala atencion ta cu ta Aruba mes a cuminsa cu e buskeda, y no Royal Schiphol Group, cu ta esun cu segun contract, mester a presenta un CEO nobo. No ta conoci pakico no a busca un CEO mesora despues cu Meijs a bandona Aruba.
Mini Mega y Mega Plus lo hunga awe 17 di maart
Schlipken: Na 2024 Aruba a ricibi mas di 60 mil turista for di Colombia
BOGOTA - Na 2024, Aruba a ricibi casi 65.000 turista Colombiano, consolidando su posicion como un mercado clave den e region. Asina Jordan Schlipken, director di Aruba Tourism Authority for Latin America, bisa recientemente, den un entrevista na un portal colombiano (portafolio.co) destacando e crecemento di turismo Colombiano riba e isla.
Aeroliña Avelo kier añadi Aruba riba su lista di ruta pa Caribe
MIAMI – E aeroliña mericano Avelo ta purbando di inicia buelonan pa Aruba. E prome servicio di transporte di pasahero di Avelo tabata na april 2021. Den e cuater añanan siguiente, su flota a crece te na 20 avion, aunke esey ta un cantidad modesto ainda. E tin 12 Boeing 737-800 di 189 asiento i ocho 737-700 di 149 asiento. Cu un edad promedio di 16.8 aña, nan ta menos eficiente den uso di kombustibel i mas pisá den mantenshon ku alternativanan mas nobo pero muchu mas barata pa atkerí, loke ta nifiká ku nan no mester wòrdu usá mes frekuente.
Benschop: Ta spera di tin e terminal nobo (US departures) di aeropuerto, operacional na mei
ORANJESTAD – Si tur cos bay segun plan, pa mei proximo, ta habri e terminal pa pasaheronan biahando pa Merca, na aeropuerto Reina Beatrix. Trabounan ta avansando na e terminal y recientemente un di e gerentenan, Jurgen Benschop a splica cu dentro di poco lo ‘welcome’ e pasaheronan den e terminal di check-in.
Follow NoticiaCla
