Tratamento di presupuesto a cuminsa cu un bang: Amienda cu ta bolter presupuesto

ORANJESTAD – E reunion di presupuesto tan anticipa a cuminsa diabierna mainta, cu un ‘bang’, unda cu for e prome orador caba, lider di partido AVP Mike Eman,  a introduci un amienda cu no menos cu 4 punto. cu ta cambia e direccion di e presupuesto grandemente caba. Entre nan, reduccion di accijns cu 10 cen riba gasoline, aumento di reparatie toeslag cu 250 florin pa nos grandinan, 30 miyon na aumento di inversion pa drecha edificionan den deterioro, reduccion di post di goederen en diensten cu 10% creando un espacio di 21 miyon florin extra, y aumentando e sosten na Fundacion Pa Nos Comunidad (FPNC), osea e banco di cuminda (voedselbank) di ‘un miserable 49 mil florin’ te na e suma di 500 mil florin. Tur esaki, pa wordo introduci entrante 1 di mei proximo. E presidente di parlamento Gerlien Croes a opta e ora pa suspende e reunion despues pa por pidi conseho na e organonan consultativo riba e amienda.