- Tierra del Sol Golf Course a habri atrobe despues di 13 luna di renovacion
- Ministernan ta evalua si ta intensifica combatimento di droga den region
- MEP: Placa cu Hulanda ta duna pa energia, no ta nobo sino compromiso haci di 2023
- Corsou tambe ta ricibi 125 miyon florin di Hulanda pa drecha su red di corriente
- Si seleccion di Hulanda gana Polonia diabierna, e ta clasifica pa mundial
Renobacion di Cas di Cultura lo dura tres aña y costa 17 miyon
ORANJESTAD - Cas di Cultura, Aruba su centro cultural nacional di teatro y educacion cultural desde 1958, a revela oficialmente su proyecto di renobacion tan anticipa, ‘E Brasa’, durante un rueda di prensa exclusivo cu a tuma luga den su auditorio. A anuncia e prome fase di renovacion cu lo cu lo regarda e parti meymey, esta monumental di e edificio. E evento tambe a estrena di e video di crowdfunding di Cas di Cultura, primordialmente pa e mercado Hulandes cu lo circula via e plataforma Voordekunst pa stimula Arubiano na Hulanda y amantenan di Aruba pa tambe contribui na e causa bunita aki. Na Aruba tambe lo tin un periodo di 6 luna di recaudamento di fondo cu lo termina den un evento publico na september.
MOTIVACION
E motivacion tras di e renobacion aki ta profundamente ancra den crecemento y sostenibilidad cultural di Aruba. E renovacion lo sirbi pa stimula e industria creativo local door di modernisa e teatro y e resto di edificio, sigurando cu e ta sirbi e actornan, artistanan, y profesionalnan cultural di Aruba di un manera mas al dia y moderno. E transformacion lo contribui na e desaroyo continuo di e sector creativo riba e isla. Un otro aspecto clave di e renobacion ta e mehoracion di e programacion educativo. Door di fortalese partnershipnan cu institutonan educativo, Cas di Cultura tin como meta pa amplia oportunidadnan di siñamento y trece variacion mas grandi na educacion di arte y cultura di Aruba. Adicionalmente, e renobacion lo atende e aspectonan logistico, infrastructural y tecnico anticua di e teatro, treciendo mehoracion cu sostenibilidad den mente.
TIMELINE
Durante e rueda di prensa, e liña di tempo di renobacion a wordo mustra, cuminsando desde e campaña di recauda fondo, fase 1 te cu e reapertura. Fase 1 lo enfoca riba un renobacion di e seccion monumental di e edificio cual lo mehora e experencia di e publico y mehora e capacidad tecnico di e facilidad. Na 2026, fase dos lo cuminsa, dunando atencion na e resto di e edificio, cu lo inclui e adicion di un balkon VIP, un tienda di regalo artesanal local, mercancia di Cas di Cultura y ticket pa show, un cafe cu terasa den un ambiente relaha, un expancion di e sala di exposicion y camerino y por ultimo un espacio di evento den aire liber. E gran reapertura di Cas di Cultura completamente transforma ta fiha pa 2028, marcando e comienso di un era nobo pa e escena cultural di Aruba.
Cas di Cultura ya caba a sigura partnershipnan y sponsornan fuerte pa sostene e proyecto ambicioso aki. Gobierno di Aruba, het Cultuurfonds Hulanda, Water- en Energiebedrijf Aruba (WEB), y Aruba Hotel & Tourism Association (AHATA) tur a compromete pa hunga un rol pa haci ‘E Brasa’ un realidad. Aruba Investment Bank (AIB) a compromete pa sostene e parti importante di maneha e fondonan di renobacion recauda di un manera resposabel y transparente. AIB a bin ta haci esaki pa decada caba di un manera hopi satisfactorio pa varios proyecto grandi na Aruba, incluyendo e JFK Center for Education situa banda di Cas di Cultura. Fuera di e asosiacionnan aki, e publico y negoshinan local tambe ta wordo invita pa contribui. A introduci diferente fluho di donacion pa acomoda tur presupuesto y cartera, sigurando cu tur hende cu ta balora herencia cultural di Aruba por hunga un rol den e transformacion aki. Di e cartera mas chikito cu un donacion di algun florin, te na e nivel di laga un legado atras cu contribucionnan mas grandi, cual ta ideal pa e aspecto di mercadeo pa empresanan, marcanan, pero tambe pa nombernan di famia cu kier pa nan sosten ta visto, como mecenas o patron di arte, anke por ta anonimo tambe. Tur contribucion ta conta, pasobra Cas di Cultura ta di nos tur. COSTO TOTAL
E costo total proyecta pa e renobacion completo ta AWG 17 miyon y a mustra con e presupuesto aki ta hinca den otro, calcula varios biaha y pa varios experto. E apoyo di AWG 4 miyon na financiamento di gobierno anterior ta sirbi como fundacion pa e proyecto. Esfuersonan adicional pa recauda fondo, patrosinionan y contribucionnan di comunidad lo ta esencial pa trese E Brasa na finalisacion.
MAS CU MODERNACION
E renobacion aki ta tocante mas cu djis modernisacion. E ta un compromiso pa conserva herencia cultural di Aruba pa futuro generacionnan. Cas di Cultura ta e curason di exprecion artistico riba e isla pa mas cu seis decada, ofresiendo un plataforma pa talento lokal por crece y pa e comunidad por ta envolvi cu arte y nan identidad. Invertiendo den e proyecto aki, Aruba ta sigura un parti di su herencia cultural y su autenticidad. E sector cultural por sigui prospera door cu artistanan tin un escenario pa mustra nan talentonan y e legado artistico di Aruba ta wordo honra. E restauracion y ampliacion di Cas di Cultura ta un paso critico pa reenforsa e poder colectivo di nos comunidad cual ta forma nos identidad nacional. Cas di Cultura ta netamente pa y di Aruba su pueblo y nos pueblo merece un lugar bunita di expresion cu ta p’e y di dje.
AHATA kier e.o. moratorium di hotel y condominium na Palm Beach y Eagle Beach
ORANJESTAD - Aruba Hotel & Tourism Association (AHATA) ta representa tur sector di acomodacion: hotel, timeshare, short term vacation rental, y demas compania cu ta depende di Aruba su turismo pa ta exitoso. Y diabierna e la presenta un lista di deseo y punto di orden pa loke ta desaroyo di turismo na Aruba:
Hospital Horacio Oduber a firma CAO nobo cu sindicato ABV
ORANJESTAD – Diamars Hunta di Directiva hunto cu e team di negociacion di Horacio Oduber Hospital (HOH) y tambe sindicato di ABV a yega na un acuerdo pa un cao nobo cu lo ta valido entre 1 di januari 2026 te cu 31 di december 2028. A start cu negociacion riba 14 di april y despues di 15 reunion cu hopi satisfaccion ta anuncia awe cu a firma un otro logro pa coleganan di HOH teniendo na cuenta cu e cao actual ta caduca dia 31 di december 2025.
Hilton ta revela 26 apertura emocionante pa 2026 y un di nan ta na Aruba!
NEW YORK / ORANJESTAD - For di e skyline brillante di Arabia Saudita te na e caya biba di Lisboa — Hilton a anuncia un seleccion di apertura di hotel altamente spera. Y The Westerly na Hilton Aruba Caribbean Resort & Casino ta un di nan.
Cama di hospital na Aruba ta casi semper ocupa, hopi mas halto cu den UE y Merca
ORANJESTAD – Hospital Horacio Oduber (HOH) a registra den 2024 un promedio di ocupacion di cama di mas o menos 87 porciento. E cifra aki ta hopi mas halto cu e promedio den tanto Europa como den Merca. E nivel halto di ocupacion ta mustra un uso intensivo di e capacidad hospitalario na Aruba y ta subraya e presion riba e organizacion di cuido, segun ta bisa den e raport anual di Hospital Horacio Oduber. Pa compara: den Union Europeo, e promedio di ocupacion di cama tabata 77 porciento den 2022, segun dato di Eurostat. Den Merca, e porcentaje aki normal ta entre 62 y 66 porciento, segun raport di Centers for Disease Control and Prevention (CDC) y American Hospital Association. Esaki ta nifica cu e cama na Aruba ta ocupa promedio 10 punto di porciento mas cu na EU y mas cu 20 punto mas cu na Merca. Cu un nivel di ocupacion riba di 85 porciento, HOH ta forma parti di e top internacional den uso di cama hospitalario.
Ex minister Croes lo mester paga AWSS y Utilities mas di 40 mil florin bek
ORANJESTAD – Ex minister Glenbert Croes lo mester paga mas di 40 mil florin bek na Utilities Aruba y Aruba Wastewater Sustainable Solutions NV (AWSS), y mester a haci esaki dentro di 5 dia cu e carta cu e exigencia, keda entrega. Asina abogado di e dos companianan ta bisa, den un carta cu ta den poder di Noticiacla. Segun e carta, Croes lo a ricibi e suma aki, siendo cu e tabata hayando un overbruggings toelage caba, cu ta haci cu tur e placa hunto, e tabata gana mas cu un prome minister. ‘Como tal cliente kier pa paga e suma menciona bek’, e carta ta sigui bisa. Si no cumpli cu e pago den e tempo stipula, lo e companianan tuma paso legal contra e ex minister y lo por inicia cobransa obligatorio.
Delta Air Lines ta amplia su red di biahe pa verano di 2026 cu buelo pa Aruba
ATLANTA – Delta Air Lines (DL) ta amplia su red di biahe recreativo pa verano di 2026 cu buelo directo solamente diasabra den tur Norte America y Caribe. E ruta nobo aki tin como meta pa conecta biahero directamente cu destinacionnan di vacacion popular manera Bozeman (BZN), Aruba (AUA) y Nassau (NAS) sin escala.
Follow NoticiaCla
