Papa ta den condicion ‘critico’ despues di sufri ‘crisis respiratorio asmatico’

VATICANO - Papa Francisco, cu ta hospitalisa pa mas di un siman, ta keda den estado “critico” y a desaroya un “crisis respiratorio asmatico” mas trempan diasabra, Vaticano a bisa den un comunicado.

“Awe mainta Papa Francisco a presenta cu un crisis respiratorio asmatico di magnitud prolonga, cu tambe a rekeri e aplicacion di oxigeno na fluhonan halto,” Vaticano a scirbi tocante e pontifice enfermo cu ta wordo trata pa pulmonia.

Mientras cu Francis “ta sigui ta alerta y a pasa e dia den un stoel di brasa” e ta “den mas dolor cu ayera,” el a agrega. Tambe el a haya transfusion di sanger awe pa trata anemia, segun e comunicado.