- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
Barco crucero ta raporta brote di malesa despues di bandona Aruba
ORANJESTAD – Un dia despues di a bishita Aruba, e barco crucero Rotterdam di Holland America Line, a raporta un brote di malesa gastrointestinal riba su nabegacion actual cu mas cu 100 pasahero malu abordo. Di acuerdo cu e Centronan pa Control y Prevencion di Malesa (CDC), Rotterdam di Holland America Line tin 107 invitado malo abordo di su biahe actual cu a sali dia 2 di februari 2025. Segun informe, 12 miembro di tripulacion tambe ta malo.
E brote a wordo raporta na CDC dia 7 di februari 2025, despues cu e la bandona Aruba dia 6 di februari 2025. No ta conoci si ta na Aruba nan a gara esaki of si tabatin esaki prome cu e la yega Aruba. 4.1% di pasaheronan i 1.2% di miembronan di tripulacion a raporta simptomanan gastrointestinal. Tin 2.614 invitado y 969 tripulashon abordo.
E simptomanan predominante cu a wordo raporta, ta diareah y sacamento. CDC a lista norovirus como e agente causativo, un virus sumamente contagioso cu ta plama facilmente atravez di cuminda, awa of superficie contamina.
Holland America Line a implementa protocolnan di limpiesa mehora como contesta na e brote riba Rotterdam. Nan a recohe tambe ehemplarnan di stoel pa test y a isola pasaheronan y tripulacion malo.
Rotterdam ta nabegando riba un crucero di 12 anochi di Panama Canal Sunfarer cu a sali for di Fort Lauderdale, Florida, riba diadumingo 2 di februari 2025. E itinerario di ida y buelta ta inclui paradanan na Half Moon Cay, Bahamas; Oranjestad, Aruba; Cartagena, Colombia; Colón, Panama; Limón, Costa Rica; i Montego Bay, Jamaica.
Miembro di Tweede Kamer ta den studio awe di Noticiacla LIVE
ORANJESTAD – Cu bista riba e comienso di e reunionan interparlamentario di Reino (IPKO) e siman akin a Aruba, e invitado pa e programa popular Noticiacla LIVE tin awe den su studio, e miembro di Tweede Kamer Heera Dijk (D66) como su invitado. E no ta un desconoci di e programa, ya cu e tabata invitado varios biaha, pero virtual. E biaha aki e ta den studio mes di Noticiacla LIVE. E temanan lo ta varia y lo ta maneha pa periodista Tito Laclé. No perde e programa interesante aki cu ta pasa pa 8:30pm awe nochi riba e Facebook page di Noticiacla, y despues riba e youtube channel di noticiacla.
Analisis: Ora cu cuido pa adulto mayor na Aruba ta mata: Parti I
Analisis: Carnaval reset: Bolbe na calidad, seguridad y tradicion
Encuesta di Noticiacla riba percepcion di Aruba su carnaval
ORANJESTAD – Cu Aruba drentando ultimo final carnavalesco, noticiacla ta presenta un encuesta riba e tema di carnaval, pa midi e impression di carnaval di awor, prome y pa futuro. Manera ta custumber, e encuesta su meta ta unicamente pa finann periodistico. E informacion ta confidencial y no ta wordo comparti. Pa bo participa, bo mester click AKI.
ANALISIS: Dia di San Valentino: Amor berdadero of un trampa comercial?
Carnaval drentando su ultimo fin di siman: Alegria grandi, pero tambe cu preocupacion
ORANJESTAD - Aruba ta drentando su ultimo fin di siman di carnaval. Un temporada cortico, yena cu alegria, color i orguyo cultural . Pero tambe e tabata yena cu reto logistico, momento di tension y algun incidente. E comunidad a mustra, den gran parti, un comportacion responsable durante e eventonan — primordialmente riba caminda — pero un aspecto a sobresali: e nivel di buracheria di automobilistanan despues di e eventonan.
Follow NoticiaCla
