KPA y OM: Lo tin ristramento preventivo durante carnaval 71

Posted on 02/6/2025 2:47 pm AST | Updated on 02/6/2025 2:47 pm AST

ORANJESTAD - Ministerio Publico y Cuerpo Policial di Aruba a informa oficialmente diahuebs cu polis lo controla preventivamente pa detecta posesion di arma di candela durante un total di siete actividad di Carnaval.

Na San Nicolas lo controla preventivamente riba Jouvert Morning (15 di februari) y durante Parada di Mucha (23 di februari), Parada di Luz (27 y 28 di februari) y Parada Grandi (prome di maart).

Na Oranjestad, lo controla preventivamente durante Carnaval di Mucha (16 di februari), Lighting Parade (22 y 23 di februari) y Parada Grandi (2 di maart).

Den cuadro di e accion polis ta autoriza pa para personanan y controla nan na nan paña, pa pidi hende pa habri tas y paki y pa ristra den esakinan, y pa ristra den autonan y otro vehiculonan riba posesion ilegal di arma di candela.

Polis a wordo autoriza dor di huez-comisario, riba peticion di Ministerio Publico.

1. Riba Jouvert (San Nicolas):

• 15 di februari 2025 di 03.00 or te 12.30 or.

2. Durante Parada di Mucha na San Nicolas:

• 23 di februari 2025 di 13.00 or te 18.30 or.

3. Durante Parada di Luz na San Nicolas:

• 27 di februari 2025 di 20.00 or te 28 di februari 2025 te 02.30 or.

4. Durante Parada Grandi na San Nicolas:

• Prome di maart 2025 di 11.00 or te 19.30 or.

5. Durante Parada di Mucha na Oranjestad:

• 16 di februari 2025 di 13.00 or te 18.30 or.

6. Durante Lighting Parade na Oranjestad:

• 22 di februari 2025 te 23 di februari 2024 di 20.00 or te 03.30 or.

7. Durante Parada Grandi na Oranjestad:

• 2 di maart 2025 di 11.00 or te 19.30 or.

Cooperacion cu Merca riba tereno di Wardacosta di Caribe Hulandes ta continua
O’STAD /W’STAD/DEN HAAG.- E cooperacion entre Hulanda y Merca relaciona cu operacion di Wardacosta den Caribe ta continua normal apesar cu Donald Trump un biaha mas ta presidente di Merca. Asina minister Hulandes di Defensa, Ruben Brekelmans (VVD), ta confirma den un carta pa parlamento Hulandes, ‘Tweede Kamer’. Den e carta, e minister ta contesta preguntanan di parlamentarionan riba e topico akí.
Mas Polis
Lesa Mas
A confisca brommer usa pa trece trafico y bida di hende na peliger
ORANJESTAD – Riba ordo di fiscal, polis a kita e brommer for un motorcicilista cu na December ultimo a trece trafico y bida di hende na peliger. Cuerpo Policial a bisa di no lo tolera ningun maniobra riba camindanan publico, cu por pone e trafico y bida di hende na peliger.
Mas Polis
Lesa Mas
Wardacosta a rescata dos turista riba waverunner
ORANJESTAD - Wardacosta Caribe Hulandes diamars atardi a risibi un notificacion di un compania di watersport den area di Eagle Beach cu tin dos turista perdi riba lama. E compania di watersport mes a bai busca e dos turistanan riba lama y a encontra un waverunner, pero no tawata tin ningun persona ariba. Mesora e Centro di Operashonnan (MOC) di Wardacosta a dirigi e helicopter y un Metal Shark pa busca e dos turistanan riba lama.
Mas Polis
Lesa Mas
A honra 3 polis pa a logra de-escala situacion peligroso durante Jouvert Morning
MACUARIMA - Fin di luna di februari 2025, altocomisario Arnhem a yama tres colega policial pa presenta na Warda di Polis Santa Cruz pa honranan personalmente pa nan accion relampago y eficaz. Durante di Parada di Jouvert Morning a sosode un tiroteo net patras di Julio’s bar na San Nicolas. Na e momento ey tabata tin un multitud di persona gosando di Jouvert Morning, y pa colmo e parada tabata pasando na momento di e tiroteo.
Mas Polis
Lesa Mas
Seis Arubiano entre 15 di Caribe a gradua pa soldad di Caribe Hulandes
ORANJESTAD/WILLEMSTAD - Despues di shete luna di training intensivo y un ehercicio final duro, 15 candidato, 6 Arubiano y 9 Curazoleño, a ricibi nan baret militar awe na Fort Amsterdam. Cu esaki nan ta conclui oficialmente nan entrenamento como soldad Antiyano.
Mas Polis
Lesa Mas
Chauffeur di prome minister deteni pa ‘delitonan sexual’
ORANJESTAD – Ministerio Publico diamars mainta a informa cu awe manta polis a detene e homber K. relaciona cu un investigacion cu tin andando di delitonan sexual. Durante e registro den cas di K. na Papilon a confisca cargadornan di informacion, como tambe seis arma di candela y un cantidad considerable di municion. K. ta ambtenaar di funcion y durante periodo di gabinete Wever-Croes 1 y 2, ta fungi como chauffeur pa prome minister di Aruba Evelyn Wever-Croes. Noticiacla a compronde cu e ta un miembro di club di tiramento, y cu e armanan lo ta pertenece na e club aki.
Mas Polis
Lesa Mas