Cantidad di hende sin cas na Hulanda a subi pa di dos aña consecutive te na 33.000

AMSTERDAM - Cantidad di hende sin cas na Hulanda a subi pa di dos aña consecutive te na 33.000. Na comienso di aña pasa, tabatin mas o menos 33 mil persona sin cas na Hulanda. Esaki ta nifica cu e cantidad di hende sin nan propio cas a aumenta pa di dos aña tras di otro: na cuminsamento di 2022, e cantidad aki tabata alrededor di 27.000 hende, un aña despues alrededor di 30.000, segun cifranan di Estadistica di Hulanda (CBS).

Prome cu esei, e cantidad di hende sin cas tabata bahando pa varios aña tras di otro: na cuminsamento di 2018, tabatin casi 40.000 hende sin cas conta na Hulanda. CBS no tin un splicacion directo pa e bahadanan y aumentonan aki.

CBS ta konta hende sin cas como hende cu ta drumi pafa, den auto, squat of cas di vacantie, y hende cu ta usa shelter di emergencia.