- Gabinete AVP-Futuro: 100 Dia di liderazgo hunto, compromiso y progreso
- Gobierno ta anuncia aumento pa e.o. subsidio escolar
- AHATA: Alohamento na ‘AirBnB’ a crece y no na hotel
- Aruba Marriott Resort & Stellaris Casino ta nombra Arubiano como gerente nobo
- ATIA: Blackout ta costa comercio di Aruba miyones!!
Na Corsou, Forensys ta registra 35 accidente di trafico pa dia
WILLEMSTAD. - Na Corsou, Forensys ta registrá 35 accidente di trafico pa dia. Aña pasá Forensys a registrá un kantidat di 12 mil aksidente. Esaki ta mas o ménos un 35 aksidente pa dia di kua 5 pa 6 di e aksidente nan ta debí na pasamentu den lus kòrá. E aksidentenan registrá aki ta esnan mas grave.
E orario nan ku mayoria bia tin aksidente debí na pasamentu den lus di tráfiko ta nèt e oranan pik, pues parti mainta na momentu ku tur hende ta bayendo entre otro trabou i skol i parti atardi na momentu ku mayoria hende a sali trabou. Tambe riba dia nan di fiesta.
Algun di e sitionan ku tin mas aksidente ta Schottegatweg Nort, Rooseveldweg, Sta. Rosaweg i Caracasbaaiweg. Esaki ta e kayanan ku tin mas tantu aksidente ta tuma lugá debí ku e kaya nan aki ta largu i stret. Basá riba e data ku Forensys ta manehá, tin 3 motibu prinsipal pa kua aksidente ta keda okashoná. E promé motibu ta, ku e shofùr no tabata poniendo atenshon. Di 2 motibu ta pa falta di preferensia i e di 3 motibu ta personanan ku a hasi un maniobra straño.
Un aspekto importante ku na opinion di Elizabeth ta pa konsientisá e pueblo pa respetá bòrchi di tráfiko i tambe lus di tráfiko. Forensys a kuminsá ku un kampaña di konsientisashon pa respetá e bòrchi nan i lusnan di tráfiko pa asina purba yega na un tráfiko mas sigur.
Na Kòrsou tin un averahe di 115.000 outo di kual 30.000 no ta sigurá. Di e 12.000 aksidente nan pa aña, 3.500 di esaki nan no ta sigurá. Esaki ta un situashon alarmante. Manera ku Forensys tuma nota ku tin algu ku no ta na òrdu, nan ta pasa esaki over pa polis por sigui atendé.
Elizabeth a indiká ku despues ku a introdusí e kampaña "kita tur" nan a mira un kambio grandi di kual kuerpo polisial ta mas aktivo aktualmente i tambe nan presensia na kaso nan di aksidente ta yuda e kousa. NOTA: Texto ta scirbi den Papiamento fonetico di Corsou.
.
OM: Ex-parlamentario di Corsou Calmes a falsifica 3 slip di salario di su colaboradonan
WILLEMSTAD - Ayera èks-parlamentario i lider polítiko di partido Trabou pa Kòrsou, Rennox Calmes, a presentá den korte sin abogado. E akusashon ku tin kontra di Calmes ta ku den periodo di 1e di mart 2022 te ku 28 di febrüari 2023 e so òf konhuntamente ku mas hende a falsifiká slep di salario di tres kolaboradó. E promé kolaboradó di inisial B. ku el a falsifiká su slep di salario ta for di mart 2022 te ku novèmber 2022. El a falsifiká kolaboradó B. su slep salario na 5 okashon; e di dos kolaboradó di inisial P. El a falsifiká su slep di salario na 3 okashon den luna di desèmber 2021 pa febrüari 2022. E último kolaboradó di inisial J.V., el a klasifiká su slep di salario na kuater okashon. El a falsifiká e salario bruto riba e slep di salario dje kolaboradónan. Na un okashon esaki tabata di 11.316, 34 florin, i despues a bisa 3670,17 florin, 5435 florin, 6624 florin i 9300,28 florin. E mester a manda e dokumentonan falsifiká sea via di meil òf app pa griffier di parlamentu. Na momentu ku un persona bira kolaboradó, e ta risibí 25% di su último salario. E suma aki ku su último salario, ta bira e total ku e ta gana komo kolaboradó di un frakshon den parlamentu.
Seleccion nacional di futbol di Corsou a keda elimina di Gold Cup
SAN JOSE - Ayera Selekshon di Kòrsou a topa ku Honduras, den un wega krusial pa disidí ken ta avansá pa kuart final di Gold Cup. Kòrsou a pèrdè lamentablemente ku skor di 2-1.
Corsou tin algun cara nobo awe pa wega Gold Cup contra Honduras
SAN JOSE - Pa e wega di awe pa e Copa Di Oro na Merca, entre Corsou y Honduras, e hungadornan Leandro i Juninho Bacuna ta suspendé, pa motibu di akumulashon di karchi. Esaki ta nifiká ku lo bai tin dos buraku den e bolante di selekshon di Kòrsou kontra Canada.
Na Corsou, Maduro & Curiels Bank a introduci su CEO y presidente nobo
WILLEMSTAD.- Den patio di Museo di Kòrsou ayera a tuma lugá Sera Konosí ku Quinten, e CEO i presidente nobo di Maduro & Curiels Bank.
Ayera den Gold Cup: Corsou a debuta cu empate contra El Salvador
SAN JOSE - Kos a start ayera pa Kòrsou den Gold Cup, ora ku nan a topa ku El Salvador den nan promé partido di e kompetensia. Den un wega ku Kòrsou a lusi mas mihó, e dos selekshonnan a parti punto den un empate na sero. Kòrsou a kuminsá ku mas mihó wega den e prome 15 minütnan di e partido, pero sin por a anotá gol. Leandro Bacuna tabatin un chèns den un huki difísil na di 13 minüt, pero e kiper Mario Gonzalez a trese salbashon.
Entrenamento forense di CARICOM ta fortalece e lucha contra crimen cu arma di candela den Caribe
PHILIPSBURG – Di dialuna 2 te cu diabierna 6 di Juni 2024, a tuma luga na Sint Maarten un entrenamento forense special di sinku dia tocante un tecnica innovativo di analisis forense. E entrenamento aki, organisa pa CARICOM den colaboracion cu e Trinidad and Tobago Forensisch Science Centre (TTFSC) i e Korps Politie Sint Maarten, ta yuda polis resolve crimen cu arma di candela na un manera mas eficiente.
Follow NoticiaCla
