Fundacion na Bonaire a keha di Z Air despues di molester di formulario di imigracion di Aruba

KRALENDIJK - Fundashon Tienda pa Konsumidó Boneriano (FTPKB) a manda un keho tocante e compania di aviacion Z Air pa Inspeccion di Medio Ambiente y Transporte (ILT).

E keho ta regarda un pasahero rumbo pa Aruba cu a presenta na balie di Z Air sin cu el a yena e formulario digital di Embarcation Desembarcation (formulario ED). E formulario aki ta wordo exigi pa autoridadnan di imigracion di Aruba pa permiti un pasahero subi un vuelo pa Aruba.

Na momento cu e pasahero no por of no tabata kier yena e formulario, el a cambia su biahe pa Corsou. Pa esaki, Z Air a cobra e pasahero un tarifa di $80. FTPKB a tuma akshon na nomber di e biahero door di entrega un keho na Z Air. Sinembargo e aerolinea a declara cu e biahero tabata responsabel pa yena e ED card y a referi na e website di ED di Aruba, unda e informacion lo ta disponibel na Hulandes.

“Ta importante pa companianan di aviacion informa nan pasaheronan den un idioma comprendibel, specialmente na Hulanda Caribense caminda Papiamento y Hulandes ta e idiomanan oficial,” asina Giovanna Frans, direktora di FTPKB a bisa. Frans ta opone e echo cu e compania di aviacion tin solamente informashon riba su website na ingles y spaño, pero no na papiamento of hulandes.

ESCOHO PROPIO

Contesta riba preguntanan di ABC Online Media, gerensia di Z Air a bisa cu nan no ta di acuerdo cu e keho di FTPKB. E aerolinea ta señala cu e autoridad di aviacion di Aruba por impone boet si permiti e pasaheronan biaha sin cu nan a yena e formulario di antemano. Ademas e pasahero tambe mester paga un tarifa di entrada pa e pais Aruba. Segun Z Air, e informashon aki ta para riba tur su carchinan.