Magic 96.5 FM a reconoce figuranan cu mas a destaca den 2024

Magic 96.5 FM a reconoce figuranan cu mas a destaca den 2024

Posted on 01/17/2025 3:59 pm AST | Updated on 01/17/2025 4:00 pm AST

ORANJESTAD  – Durante un encuentro special recientemente, e emisora local Magic 96.5 FM a haci entrega di e reconocemento  cu a otorga na e talentonan mas destaca den comunidad di Aruba den transcurso di 2024.

E evento a tuma luga den e lounge di The Ritz Carlton, marcando un momento importante den e historia di e stacion, cu ta conta cu mas di 25 aña di trayectorio exitoso como un medio dinamico, progresivo y innovador.

E ganadonan a keda selecciona despues di un proceso cuidadoso di deliberacion di parti di e gerencia y staff di e emisora, kendenan a analisa e impacto y dedicacion di cada figura nomina den su respectivo area.

Magic 96.5 FM ta confia cu e reconocemento aki, no solamente ta motiva esunnan honra pa sigui supera nan mes, pero cu tambe lo inspira otronan pa alcansa metanan nobo y kisas converti den e proximo cu e stacion lo honra na fin di 2025.

Esunnan cu a ricibi nan reconocemento ta: 

•        Personahe Femenino di Aña: Gerlien Croes

•        Personahe Masculino di Aña: Wendrick Cicilia

•        Banda di Aña: Tsunami

•        Artista Femenino di Aña: Loutiza Raven

•        Artista Masculino di Aña: Jeon

•        Productor di Aña: Steve Andreas

•        Cancion di Aña: "Caya ta papia"

•        Artista Femenino Nobo di Aña: Eli Demillion 

•        Artista Masculino Nobo: Jay Ralph

•        Campaña di Aña: "The Car @ The Casino"

•        MC di Aña: Addonsito Croes

•        Cancion Mas Impactante di Aña: "Diferente" de Freddy Rasta

E evento a destaca e compromiso di Magic 96.5 FM cu e promocion y reconocemento di talento local, reafirmando su papel como un pilar den e industria di entretenimento di Aruba.

"Nos ta spera cu e premionan aki no ta celebra djis e exito di algun, pero cu tambe ta sirbi como un fuente di inspiracion pa henter nos comunidad artistico y cultural," asina Erin Croes, director di e emisora a expresa na e evento di entrega.

  • Claudia Arevalo-Del Castillo ta Celebra 5 Aña den Servicio cu Botica di Servicio

    Claudia Arevalo-Del Castillo ta Celebra 5 Aña den Servicio cu Botica di Servicio

    ORANJESTAD - E luna di februari a cuminsa cu un celebracion mas, esta di  colega Claudia Arevalo-del Castillo, kende a cumpli 5 aña den servicio cu Botica di Servicio. 

  • Freddy Rasta ta bay cu e corona di Socca 2025

    Freddy Rasta ta bay cu e corona di Socca 2025

    SAN NICOLAS – E conocido cantante Malaghy Richardson, conoci como ‘Freddy Rasta’, a bira e Socca Winner di 2025, cu su cancion 1 for Unity, cu e banda Tsunami. Pabien na Freddy Rasta. Na di dos lugar a keda Queen Shine, di tres lugar Galloway, di cuater finalista T-Money y finalmente Blacky cu Groove Masters. 

  • Secuencia di artista y banda pa final di Aruba Caiso y Soca diasabra awor ta conoci

    Secuencia di artista y banda pa final di Aruba Caiso y Soca diasabra awor ta conoci

    SAN NICOLAS - Durante e ultimo dianan aki Stichting Musica a publica varios video y potret riba nan Facebook page, cu ta duna un bista di e preparacion grandi cu tin tras di Aruba Caiso Soca Monarch 2025. Varios artista a wordo entrevista y ta cla pa duna un tremendo presentacion pa nan fanaticada. Diasabra awor, 8 di februari 2025, un total di 30 artista lo participa den e Soca Finals 2025, acompaña pa 14 banda.

  • Grupo di prensa e experencia un Sunset Grille ‘transforma’ na Hilton Aruba

    Grupo di prensa e experencia un Sunset Grille ‘transforma’ na Hilton Aruba

    PALM BEACH – Un grupo selecta di prensa e siman aki a experencia e Sunset Grille ‘transforma’ na Hilton Aruba Caribbean Resort & Casino. E restaurant local hopi conoci, a habri su portanan recientemente atrobe despues di un periodo di renobacion extensivo. Y tabata den cuadro di esaki cu e grupo di prensa aki tabata invita. E restaurant su imagen nobo ta un combinacion di elementonan clasico cu un toke moderno. E ta ofrece un ambiente distincto, brindando momentonan inolvidabel pa nos localnan y bishitantenan.

  • Rooftop bar ZIMA na Joia Aruba by Iberostar a celebra su apertura

    Rooftop bar ZIMA na Joia Aruba by Iberostar a celebra su apertura

    ORANJESTAD – Recientemente gerencia di Joia Aruba by Iberostar  a celebra nan apertura oficial di e rooftop bar ZIMA, situa banda di un pisina infinito espectacular cu ta parse di uni cu e horizonte di Caribe. ZIMA ta mustra di ta e lugar perfecto pa relaha, disfruta di un experencia unico di tapas y deleita den e miho bista di e isla.

  • Jeon ta join Farruko, Fariana y Alex Sensation p’e tema nobo “Ven Ven”

    Jeon ta join Farruko, Fariana y Alex Sensation p’e tema nobo “Ven Ven”

    MIAMI - E artista di Aruba , nomina pa Grammy, Jeon, ta bin bek cu un poderoso colaboracion cu e exito, “Ven Ven”, hunto cu Farruko, Fariana y Alex Sensation. Originalmente graba como un tema solista ‘Savaneta’ pa Jeon y produci p’e reconocido Steve Andreas, e cancion rapidamente a capta e atencion di e figuranan grandi di musica global, acumulando miyones di views y downloads.

  • Powered by SETAR