Awe Aruba ta dispidi di su prome premier Henny Eman

ORANJESTAD – Awe mainta algo despues di 9’or di mainta, bou di escolta policial, e corteho funebre di Aruba su prome premier Henny Eman a yega Cas di Partido AVP pa asina cuminsa cu e proceso di despedida di sr Eman. Presente tabata miembronan di partido, simpatisantenan y demas persona pa asina cuminsa cu e proceso di dispidi di nan ex lider politico y amigo. Durante curso di dia, e proceso lo continua, despues pa Bestuurskantoor, pa despues e corteho keda instala na Plaza Henny Eman, unda cu entrante 10’or di mainta, tabata spera e comunidad completo cu por dispidi tambe di sr Eman. Despues tabata cuminsa e parti di ponemento di krans door di varios lidernan di bario. Despues di merdia den careda di 1’or , ta cuminsa e hibamento di discurso di varios persona, incluyendo Koos Veel, Hans Sjiem Fat, ex premiernan di Antias Maria Liberia Peters y Emily de Jong Elhage, Wendrick Cicilia pa AVP, Tico Croes pa ex ministernan di AVP, ex premier di Hulanda y actual minister van Staat Jan Peter Balkenende, y finalmente Mike Eman, ex premier di Aruba y ruman di Henny Eman (dfm). Ta sigui e proceso religioso pa finalmente transporta e corteho funebre pa Santana Protestant.