Hobencito di 9 aña a hoga diadomingo atardi na Mangel Halto

ORANJESTAD – Un hobencito di 9 aña a hoga diadomingo atardi na Mangel Halto. Tabata diadomingo atardi despues di 5or central di polis ta wordo notifica di un incidente na unda un mucha homber lo mester a haya problema den lama na Mangel Halto y no ta reaciona. E prome informa ta cu lo ta trata di un mucha di 7 aña di edad. 

Na yegada di polis na e sitio di e sucedido a bin topa cu net nan tabata trece e mucha homber na canto y na unda polis di biaha a bay over na reanima den espera di ambulance. 

Ambulance a yega na e sitio y a tuma over y a sigui na traha di yuda e hobencito . Nan a transporte cu maximo urgencia pa hospital pero lamentablemente pa 6:40 Dr ta constata morto di e mucha homber fam E. naci 11-3-2015 na Aruba di apenas 9 aña di edad.  

Cuerpo Policial ta manda palabra di profundo condolencia y forsa na famia di e fayecido.