Trump ta presenta demanda contra corant pa motibo di encuesta incorecto

MIAMI - Donald Trump a presenta un demanda contra un corant den e estado Mericano di Iowa pasobra el a publica un encuesta un dia prome cu e eleccion presidencial cu a mustra cu e ta keda tras di e democrata Kamala Harris. Segun Trump, e encuesta den The Des Moines Register tabata destina pa yuda Harris gana.

E encuesta a mustra cu Harris lo a gana e estado di Iowa, mientras cu Trump anteriormente tabata parce di ta na cabes. Trump finalmente a gana e estado convinsentemente cu un diferencia di 13 punto di porsentahe.

“Tabatin un motibo hopi bon pakiko niun hende no a mira esaki bini: pasobra un bentaha di tres punto pa Harris den Iowa cora profundo no tabata un realidad,” e keho ta bisa. “E tabata ficcion cu ta influencia eleccion.”

Trump ta rabia tocante e encuesta di corant condusí pa e encuestado cu awor ta retira Ann Selzer. Segun e presidente eligi, lectornan a wordo engaña pa esaki. E compania madre di The Des Moines Register ta bisa cu e ta spera e demanda cu confiansa.