- Corsou a keda selecta den grupo E, cu Alemania, Ecuador y Costa di Marfil pa mundial 2026
- Debi na crisis den region, prome minister di Corsou, Pisas tambe a cancela biahe pa Hulanda
- Sorteo mundial di futbol: Hulanda contra Japon, Tunez y un otro campion di play-off cu ainda no ta conoci
- Corte a dicidi: Dos ‘spiritonan’ den caso Flamingo mester paga placa bek
- Copa Airlines y Wingo tambe ta suspende vuelo pa Caracas
Wingo ta aumenta frecuencia di buelo entre Bogota y Aruba
BOGOTA – E aeroliña colombiano WINGO a anuncia aumento di buelo pa Aruba, specificamente for di Bogota. Durante e periodo vacacional, cu ta calcula di ta kore for di 1 di december pa mitar di januari 2025, Wingo ta calcula cu e lo transporta casi 400.000 biahero riba su ret di 36 ruta.
E compania di aviashon ta bisa cu e lo pone alrededor di 450.000 asiento di prijs abou disponibel riba 2.500 buelo. Entre nan, pa Aruba. Wingo ta calcula un factor di carga cerca di 90% promedio den henter e red di ruta pa e simannan di vakantie aki. “Na Wingo nos ta cla pa ta e aerolinea di low-cost cu e operacion mas relevante den e temporada di vakantie halto aki na fin di aña. Nos ta bai transporta mas cu 400.000 biahero riba casi 2.500 buelo, pa termina e aña surpasando tres miyon biahero transporta, di acuerdo cu nos proyeccionnan operashonal” a indiká Jorge Jiménez, Vise Presidente Comercial i Planificacion di Wingo.
Aruba a ricibi mas cu 7 miyon euro di fondo EU
ORANJESTAD – Aruba a ricibi mas cu 7,2 miyon euro di subsidio for di programa di Union Europeo durante e periodo 2021 te 2024. E placa aki a keda dividi entre cerca 65 proyecto, cu mas o menos binti organisacion ta participa. Esaki ta sali den un reporte tocante participacion di pais y teritorio den ultramar den e programa di subsidio europeo.
Lotto Aruba: Cachi Cachi Christmas Edition ta on
Aeropuerto a organisa un ‘townhall meeting’ pa informa tocante e cambionan benidero
ORANJESTAD– Aruba Airport Authority N.V. (AUA) a organisa dos townhall meeting pa informa e comunidad di aeropuerto tocante e cambionan importante cu lo sosode pronto na Aeropuerto Internacional Reina Beatrix como parti di e proyecto Gateway 2030. E sesionnan, cu a tuma luga den e US Check In Hall bieu for di 9:00 di mainta te cu 6:00 di atardi, a trece hunto diferente partner cu ta opera riba un base diario na aeropuerto pa asina por haya un splicacion detaya riba e fasenan actual y proximo di construccion como parti di e proyecto Gateway 2030.
AFTA: Mas importacion paralelo lo baha prijsnan
ORANJESTAD - Aruba Fair Trade Authority (AFTA) a realisa un investigacion di mercado riba distribucion di cuminda y otro productonan esencial. AFTA a conclui cu pa hopi producto di marca cu ta wordo bendi rond di Aruba, tin solamente un distribuidor. Esaki ta reduci competencia y ta resulta den prijsnan mas halto. Si productonan di mesun marca ta wordo importa pa otro distribuidor via importacion paralelo, lo tin mas competencia y esaki lo baha e prijsnan. Restriccion di importacion paralelo ta prohibi. AFTA por impone boet den caso di violacion.
Lotto Aruba tin Lotto di Dia Sinterklaas Roll Down Special awe!
Salario minimo di Aruba ta drenta na vigor 1 januari 2026 oficialmente
ORANJESTAD – E ley nobo tocante salario minimo na Aruba lo drenta oficialmente den vigor dia 1 di januari 2026. Esaki ta cla den Afkondigingsblad 2025 no. 34, caminda e desicion pa pone den vigor e cambio anterior den landsverordening salario minimo a wordo publica. Cu e desicion aki, e ley di Afkondigingsblad 2025 no. 27 ta wordo formalmente activa. Den e ley nobo ta wordo establece cu e salario minimo lo wordo fiha pa ora, enbez di pa dia, siman of luna manera tabata antes. Sin e desicion formal, e cambio juridico ainda no tabata den vigor.
Follow NoticiaCla
