- Debi na ‘retonan operacional’, SLM ta obliga pa ahusta buelonan pa e.o. Aruba
- Presidente Trump a frena imigracion pa Merca: E prome decretonan di Trump
- Prome caso di asesinato di 2025 na Corsou
- Na Corsou, atrobe Corte ta rechasa suspension di detencion di lider di partido KEM
- Na Corsou a aresta 4 persona cu ta labora na Wardacosta
ATA a gana premio prestigioso na festival culinario na Inglatera
LONDON -Aruba Tourism Authority a gana premionan na e ceremonia di X Awards na London diaranson anochi. E X Awards, lanta pa e organisashon internashonal Digital Tourism Think Tank, ta premionan ku ta rekonosé kreatividat, talento i inovashon denter di turismo.
SIÑA MAS
Aruba Tourism Authority a gana e People’s Choice Award pa e prome edicion mes di e festival culinario Autentico Aruba Culinary Festival. E festival a tuma lugá riba e isla na òktober. Tirso Tromp, Area Director Europe, a acepta e premio.
Autoridad di Turismo di Aruba a gana e Premio pasobra, segun e hurado, e festival tabata “un exito rotundo riba tur frente.” E hurado a elogia e strategia y concepto solido, “e branding autentico y localmente crea, e enfoke versátil pa resalta miho e sabornan diverso di Aruba tanto online como durante e festival y e metanan di termino corto y largo di e festival ta mara na otro.” .”
Presidente Trump a frena imigracion pa Merca: E prome decretonan di Trump
WASHINGTON - Dor di firma un kantidat sin presedente di òrdu ehekutivo presidensial, Donald Trump a indiká ayera nochi ku e ke kuminsá su periodo nobo komo presidente na un komienso buladó. Trump, di 78 aña, a firma mas di 40 òrdu ehekutivo i a revoká 78 òrdu ehekutivo emití den añanan resien pa su predesesor Joe Biden. Pa comparacion, Trump mes a emiti cinco ordo ehecutivo den su prome siman na 2017, e mesun cantidad cu Barack Obama ocho aña prome. Biden a tene esaki na 24 kuater aña pasá Aki ta sigui algun di e plannan di Trump:
Donald Trump a huramenta komo e di 47 presidente di Merca
WASHINGTON - Donald Trump a huramenta como Presidente di Merca pa di dos biaha. Mesora el a wordo felicita pa awor ex presidente Biden. Saludonan di arma a zona pafo di e Capitolio pa marca e transferencia di poder.
Israel ta libera 90 prizonero palestino como parti di un acuerdo cu Hamas
JERUSALEM - Israel a laga e prome 90 presonan Palestino den libertad. Servisio di Prizon di Israel a anuncia esaki. E liberacion a tuma luga mas o menos shete ora despues cu Hamas a libera tres rehen Israeli. E intercambio tabata parti di e acuerdo di cese di fuego cu a drenta na vigor ayera.
Trump a primintí di pospone e prohibicion di TikTok na Merca
WASHINGTON - TikTok ta relansando e app na Merca. E compania a bisa esaki den un declarashon riba X. Mas trempan diadomingo, e app a bira skur pa usuarionan na Merca debí na un prohibishon benidero riba e plataforma di video. Algun usuario mericano ya por a haña acceso na nan profil y mensahenan den e app atrobe. Aki na Aruba no a sinti e efecto ey di Tik Tok.
Merca por prohibi uso di Tik Tok despues di e weekend aki
WASHINGTON - TikTok lo ta disponibel ainda na Merka despues di e weeken aki? E ta bay ta un fin di siman emocionante pa e 170 miyon usuarionan Mericano y pa ByteDance, e compania Chines tras di e app. Entrante diadumingo, e app lo wordo prohibí pa ley, a menos cu e huesnan mericano di mas halto stop esaki.
Paro di fuego na Medio Oriente ta na peliger toch. Netanyahu (Israel) ta pospone e reunion di gabinete
JERUSALEM -Prome minister Israeli Netanyahu a pospone indefinidamente e reunion di e gabinete di siguridad tocante e paro di fuego cu a yega na dje ayera. E gabinete di seguridad tabata programa pa reuni awe mainta pa discuti e acuerdo cu Hamas, despues di cual e gabinete completo lo ratifica e acuerdo.
Follow NoticiaCla
