Varios lider politico e aña aki ta vota riba e mesun ora diabierna awor

ORANJESTAD – Cada eleccion, tin varios custumber cu nos conoce di cual uno ta e orario di votamento di e lidernan politico. Pa ora di e dia, tin un lista di lider cu ta anuncia nan orario y lugar, creando asina e momentum necesario pa nan siguidornan y tambe medionan cu ta cubri esaki. E biaha aki, tin un situacion particular, unda cu no menos cu 3 lider politico a dicidi cu nan ta vota riba e mesun orario diabierna awor. Ta trata di lider di partidonan MEP, CURPA y PPA unda cu tur tres ta vota 10’or di mainta. MEP su lider ta vota na Maria College, Curpa su lider ta vota na CBPP, y PPA su lider ta vota e ora ey na Dominicus College. No ta descarta cu mirando e situacion aki, cu algun lo adapta nan orario. Esun cu ta vota prome, te awor ta LPR cu ta 8:15am na MFA Santa Cruz. Durante curso dia, lo por tin e lista completo di e lidernan cu ta vota e dia ey.