Na Corsou, Parlamento ta gasta mas cu 630 mil florin na biahe

Posted on 12/4/2024 9:31 am AST | Updated on 12/4/2024 9:32 am AST

WILLEMSTAD - E gastunan di biahamentu di parlamento a oumentá di mas ku 550 mil florin na aña 2023 te na 630 mil florin te ku luna di òktober di aña 2024. Esaki ta un oumento supstansial den gastu di pasashi i “daggeldvergoeding” ku kada parlamentario ta risibí.

Segun kontestanan di Gobièrnu riba preguntanan ku parlamentarionan a hasi durante tratamentu di presupuesto di aña 2025 den reunion di Komishon Sentral, por konkluí ku gastunan di biahe ta sigui subi di forma supstansial. Tabata frakshon di PAR ku a pidi pa haña un bista di tur gastu di biahe di añanan 2023 i 2024.

Na aña 2023, e dos parlamentarionan ku mas tabata di biahe ta presidente; Charetti America-Francisca (MFK) ku 8 biahe i Sheldry Osepa (PNP) tambe ku 8 biahe. Mayoria biahe tabata pa Panama, es ta reunion di parlatino. A paga 53 pasashi durante aña 2023 pa asistí na e reunionnan di parlatino.

5 parlamentario a biaha pa Aruba, 7 pa Hulanda i 7 a bai St. Maarten. Steven Martina (MAN), Gilbert Doran (MFK), Elvin Gerard (PNP) i Steven Croes (PAR) ta e úniko parlamentarionan ku no a biaha den aña 2023. Na aña 2024 e fiesta di biahe a kontinuá mester bisa.

Te ku òktober di aña 2024 tabatin un total di 71 biahe ku parlamentarionan a hasi. Aktualmente tin un delegashon di 5 parlamentario na Panama pa Asamblea General di parlatino. Pa otro siman, 2 parlamentario lo ta na Hulanda pa konferensia di InterExpo.

E total di biahenan pa aña 2024 lo ta pues mas tantu kompará ku aña 2023. Den aña 2024 tambe, ta presidente di parlamento a biaha mas tantu ku tur otro miembro. America-Francisca a biaha 7 biaha i manera ya menshoná e ta hasiendo su di 8 biahe pa parlatino.

E kantidat di biahe pa Panama ta konsiderablemente ménos na aña 2024 (28) kompará ku aña 2023, pero tin 3 parlamentario ku a bai Perú i 4 ku a biaha pa Paraguay ku tambe ta biahenan den kuadro di parlatino. 9 parlamentario a biaha pa Colombia pa wak e proyekto di bibienda “Mi Casa Ya”. Tambe tabatin mas tantu biahe pa Hulanda den aña 2024 (16) i Aruba (10) kompará ku aña 2023.

Den aña 2024 por a mira atrobe ku parlamentarionan Gerard, Doran, Martina i Croes ta e únikonan ku no a biaha. Tambe frakshon di PAR a pidi pa un relato di e gastunan di biahe spesifiká pa kada parlamentario. E relato akí, ta disponibel na ‘griffie’ di parlamento pues no a hasi esaki públiko.

Finalmente Gobièrnu ta indiká ku den e gastunan total di biahe na añanan 2023 i 2024, no a tene kuenta ku gastunan ku Kas di Kòrsou ta hasi riba petishon di parlamento ora hasi biahenan pa Oropa. Ta bai pa por ehèmpel gastunan di transporte, eventual hür di sala di reunion i otro fasilidatnan. Gobièrnu a pidi Kas di Kòrsou na vários okashon pa e relato di e gastunan akí, ku a hasi na aña 2023 pero te ainda no a risibí nan.

Na aña 2021 Kas di Kòrsou a gasta 21 mil florin i na aña 2022; 52 mil florin na e tipo di petishonnan akí di parti di parlamento. NOTA: Texto ta scirbi den Papiamento fonetico di Corsou.

Prome caso di asesinato di 2025 na Corsou
WILLEMSTAD - Corsou ta conoce e prome caso di asesinato pa aña 2025. Un homber a keda asesina awe den oranan di marduga den Makreelstraat, cu ta den bario Marie Pampoen. Tur kos ta indica cu un homber bisti na paña preto cu a bai riba baiskel a tira riba un homber sinta den su balcon, cu como consecuensia di esaki a fayece. Polis ta investiga e caso.
Mas Corsow
Lesa Mas
Na Corsou, atrobe Corte ta rechasa suspension di detencion di lider di partido KEM
WILLEMSTAD - Pa di dos biaha, e petishon pa pone e lider polítiko di partido KEM Michelangelo “Lo” Martines den libertat, a keda rechasá dor di Korte. Esaki a sosodé ayera. Korte di Promé Instansia a rechasá e petishon di anulashon di e aresto preventivo i e petishon pa suspendé e aresto preventivo di e eks parlamentario Martines. E desishon aki ta suprayá e seriedat di e sospechonan i e nesesidat pa kontinuashon di e aresto preventivo.Djabièrnè un biaha mas Martines a bai korte pa por suspendé su detenshon.
Mas Corsow
Lesa Mas
Na Corsou a aresta 4 persona cu ta labora na Wardacosta
WILLEMSTAD - Ministerio Públiko awe ta konfirmá 4 detenshon realisá den oranan di awe mainta relashoná ku investigashon di un kaso di droga. Ta trata di 4 persona ku ta laborá na Wardakosta. A realisá un total di 7 entrada hudisial den e kaso. No ta eskluí ku por tin mas detenshon. NOTA: Texto ta scirbi den Papiamento di Corsou.
Mas Corsow
Lesa Mas
Na Corsou ta dicidi dialuna si lider politico di KEM ta sali liber di prizon
WILLEMSTAD.- Djaluna awor, 20 di yanüari, korte lo tuma desishon riba petishon ku lider di partido KEM, Michelangelo “Lo” Martines a hasi pa suspendé su detenshon. Ayera korte a trata e petishon di Martines pa suspendé su detenshon pendiente tratamentu di su kaso. Korte a indiká ku djaluna e lo tuma un desishon. E desishon ta kai hustamente den e siman ku tin entregamentu di lista di partidonan polítiko. E partido di Martines, KEM tambe ta bai entregá lista.
Mas Corsow
Lesa Mas
CBCS ta teme cu medidanan contra Venezuela lo afecta Corsou
WILLEMSTAD - Banko Sentral di Kòrsou i St. Maarten (CBCS) ta teme ku medidanan internashonal, prinsipalmente for di Merka, ku lo bai tin kontra Venezuela lo tin impakto riba nos aki na Kòrsou. Asina e miembro di gerensia di CBCS, sr. Chris Rigaud, a trese dilanti ayera na okashon di un mini seminario organisá pa e Asosiashon di Ekonomistanan den Karibe Hulandes. Segun sr. Rigaud den su presentashon saká for di e ‘Outlook’ di e instituto ku bista riba perspektivanan, ta importante pa nos sa kiko ta sosodiendo rondó di nos, tantu na nivel regional komo esun global.
Mas Corsow
Lesa Mas
Feco Gomez(AMAK): Arubianonan ta participa atrobe den festival di Tumba di Corsou
ORANJESTAD – Tin varios Arubiano participando e aña aki atrobe den festival di Tumba di Corsou cu ta tuma lugar otro luna. E presidente di Asosacion di Musico y Artista di Korsou (AMAK) Manfred ‘Feco’ Gomez a confirma pa Noticiacla durante e programa Noticiacla LIVE diamars anochi. Ademas e secretario Giovanni Atalita a sigura cu tur Arubiano cu participa, tin mes hopi chens pa gana, mirando cu ta e tumba ta gana, y no tanto e cantante. E cantante por carga corona berdad, pero ta scohe e tumba y no e persona.
Mas Corsow
Lesa Mas