Carlo: Huez mester absolve Otmar Oduber di tur cargo den caso Flamingo

Posted on 11/29/2024 5:39 pm AST | Updated on 11/29/2024 6:04 pm AST

ORANJESTAD – Huez mester declara Ministerio Publico no admissible den e caso aki, of absolve ex minister Otmar Oduber di tur cargo den e caso penal Flamingo. Y si esey no por, y si mester impone un castigo, pa Oduber wordo sentencia na e castigo cu e la sinta caba den ‘voorarrest’, pues cu e no mester sinta ningun castigo mas. Asina e abogadonan di Oduber a bringa diabierna pa gran parti di e dia pa nan cliente. Tabata prome chens despues di 5 aña y 3 luna cu e defensa a haya oportunidad pa mustra e banda di Oduber, for di 2019 cu e caso a ‘haya bida’.

POLITICA VS LEY

E abogadonan Illis y Carlo a argumenta basta largo, mas di 3 ora pakico nan ta haya cu e demanda di Ministerio Publico no ta corecto y cu e demandanan no ta hustifica. A cuminsa na usa e carchi di politica, indicando cu ora cu trata un caso asina, no mester djis wak e parti legal, pero tambe e panorama politico den cual tur cos ta tuma lugar. Sigur si trata e caso aki den pleno campaña pa eleccion cu ta aki un par di dia. Y pesey tambe, kier pa huez tene cuenta cu tur esaki y dicidi mas liher posibel riba esaki.

ORDEN DEN DIP Y PRIVILEGIO

A cuminsa na splica cu na entrada di Oduber como minister di infrastructura, e la haya e departamento Directie Infrastructuur en Planning (DIP) un ‘rotzooi’. Prome cos cu e la haci tabata cambia e maneho, structure pa e ta mas transparente posibel, pa evita netamente e loke cu nan cliente ta wordo acusa di dje. Segun e abogadonan, e maneho cu e la haya, si tabata viola e ley di ROPV, cu ta determina unda tur no por tin construccion pa motibo di proteccion di naturalesa. A usa testimonio di e director di e tempo ey J Croes, di cual keho riba e funcionamento, no tabata di tempo di Oduber, sino esun cu a sigui, cu ta Marisol Tromp. Ademas, no ta considera e declaracion di Croes como confiabel.

Ademas no ta asina cu a actua robez den DIP, pero cu ta netamente a ‘coregi’ e fayonan cu tabatin. “Nada mas, nada menos”. Ademas, den e loke ta wordo considera metemento di minister, Oduber nunca tabata envolvi den combersacionan cu e ciudadano cu lo a keda perhudica cu tereno esta Genser. Algo cu tanto Croes como e sospechoso Croes-Wever a confirma.

NO CASTIGA AMISTAD

Ora cu a trata e parti di reserva di tereno, unda cu e fayo lo a wordo cometi entre dos ciudadano, cual OM ta considera metemento di minister, e abogadonan a argumenta cu esaki (esta e reservacion di tereno) ta algo cu ta completamente pa cuenta di DIP y no minister Oduber. “E no tabata envolvi den e proceso”. Ademas a mustra cu un amistad cu e ciudadano Cano y su casa Mansur, no por ta un problema. “E amistad y e relacion politico no por ta un problema y no ta algo castigabel pa ley”, e abogado a bisa. Segun e abogado, OM kier castiga un persona debi cu e tabatin amistad. Ademas, segun e abogado, OM no por a prueba cu a haya algo di supuesto ‘privilegio’. Y como tal mester absolve nan cliente di tur e cargonan, cu ta entre nan, soborno pasivo, estafa, abuso di poder.

Corte ta pidi gobierno pa renoba politica di beach
ORANJESTAD –Gemeenschappelijk Hof van Justitie ta considera cu gobierno Arubano mester renoba e politica di beachnan na Aruba. E politica aki ta vigente desde 2015 y segun e Hof, ta ya hopi bieuw pa controla bon manera e uso y e orden di e beachnan.
Mas Corte
Lesa Mas
Hof ta autorisa Banco Central di Aruba pa impone multa miyonario contra Pristine Estates
ORANJESTAD – Banco Central di Aruba (CBA) tin autoridad pa impone un multa di un miyon florin riba Pristine Estates N.V. pa motibo di posibel violacion di e Landsverordening pa preveni y combati labamento di placa y financiamiento di terrorismo. Asina Hof a determina den apelacion. Hof asina ta anula e sentencia anterior di e Corte di prome instancia, cu tabata opina cu Pristine den aña 2017 te 2019 ainda no tabata un servidor formal y por tanto no tabata cay bou e ley anti labamento di placa. E caso ta wordo manda bek na e Corte, cu awor tin cu duna un huicio di fondo tocante e multa di un miyon florin.
Mas Corte
Lesa Mas
Abogado pa famia di victima Lanoy, ta contra cu polisnan envolvi ta cana liber
ORANJESTAD – Abogado pa e famia di Ayden Lanoy, cu a keda mortalmente tira pa dos agente policial e aña aki, Geert Hatzmann, ta contra cu ainda e polisnan envolvi, ta cana liber desde cu e caso a tuma lugar. E la splica su punto diabierna mainta durante e tratamento di e regie di e caso penal Caret diabierna.
Mas Corte
Lesa Mas
Corte: Caso unda 2 polis a tira y mata Ayden Lanoy, ta keda trata fin di februari 2026
ORANJESTAD – Bou di un vigilancia di seguridad sinigual diabierna mainta, Corte a trata e caso conoci como Caret cu ta trata di e dos agentenan policial Violenes y Dirksz cu a tira riba e hoben Ayden Lanoy (19) y heride mortalmente, den forma conoci como regie. Esaki kier men cu no ta trata e caso integral, sino ta delibera pa sa kico falta y pa stipula un fecha pa e caso mes keda trata.
Mas Corte
Lesa Mas
Illis: Caso Caret lo bay draai grandemente rond di imagen di video capta
ORANJESTAD – E caso penal contra dos agentenan policial Dirksz y Violenes, ta draai rond di imagen di video di e suceso. Asina e dos abogadonan cu ta defende e dos respectivo polisnan. Nan a keda satisfecho cu e loke a sosode diabierna mainta den e tratamento regie di e caso, unda cu mas bien a discuti e puntonan di investigacion, clarifica pregunta y stipula un planificacion pa e caso.
Mas Corte
Lesa Mas
Arnhem: Tabata responsabel y necesario pa ta presente awe pa caso Caret
ORANJESTAD – Alto comisario di polis Ramon Arnhem tabata presente awe mainta na Corte pa e regie zitting di e caso penal contra e dos agentenan policial cu a tira e hoben Aiden Lanoy fatalmente. E ta splica kico tabata su papel awe den e caso.
Mas Corte
Lesa Mas