Analsis: Legumai victoria, formacion ta e cos!

Posted on 11/28/2024 10:59 am AST | Updated on 11/28/2024 11:00 am AST

Scirbi pa Tito Laclé

Faltando un siman pa pueblo bay urna electoral pa e eleccion parlamentario, tin un cos cu sigur ta resalta e biaha aki. E problema no ta bay ta ken lo gana e eleccion, sino ken lo forma e gobierno. Entre e encuestanan di noticiacla, e ‘debatenan’ publico cu a keda presenta, y un sin fin di programa politico e biaha aki, tin un cos cu ta resalta. Mayoria partido, pa no bisa tur, ta contra e partido mas grandi na mando, partido MEP. Mientras cu e partido geel ta sali victorioso den tur pronostico y presentacion recien lagando e otro partidonan basta leu, e partido tin un otro problema mas pio: Si e gana, cu ken e ta forma e coalicion. Cu excepcion di partido LPR (Lucha pa Reforma), ningun partido ta sinti pa traha cu MEP. Y esey por bira un problema pa e partido geel, aunke e ta ‘mustra’ superior riba tur otro partido. Mayoria di e programanan di e partidonan nobo, partido chikito, y e otro partido ‘tradicional’, ta diferencia hopi di partido MEP. Y si tin similaridad mes, e indeseo di traha cu MEP, ta surpasa e similaridadnan ey. Mayoria di e partidonan a profila nan mes como ‘partido anti MEP’. Sea cu nan ta bisa esaki textualmente, of ta mustra indirectamente den nan forma di expresa nan mes. Nan no ta ‘exclui’ participacion cu e partido MEP publicamente, pero no ta mustra simpatia pa e partido. Kico esaki kier men, den practica? Cu si MEP gana eleccion y tin cu forma gobierno, cu e lo bira un dolor di cabez grandi, un periodo largo, y cu combersacionan hopi dificil mes. Desconfiansa ta e problema principal, y esaki ta di ambos banda. No ta pornada cu e partido geel ta boga na su siguidornan pa duna nan e mandato pa goberna nan so, pa netamente evita e dolor di cabez aki. E pensamento di gana anochi, perde mainta, ta bin na mente. Esaki ta nifica cu un partido ta gana e eleccion, bira e partido di mas grandi, pero no ta logra forma un coalicion pasobra sea e diferencia entre partidonan ta mucho grandi, of e confiansa necesario, simplemente no tey. E lider di partido geel mes a bisa den varios programa recien, cu e la purba dos biaha pa forma un coalicion y ambos no a bay full e termino. Pues ta ora pa nan bay nan so. Partido AVP cu den pasado tambe tabata pidi nan siguidornan pa un mandato total, e biaha aki ta mas cuidadoso den nan strategia. Nan ta simplemente bisa cu nan ta e solucion, y por nota cu tin un ‘union’ invisible cu e partidonan actual den oposicion. Esaki por nifica cu e lo ta mas facil pa e partido berde forma un coalicion aworaki cu e partidonan cu ta den contienda, envez di e partido geel. Loke ta resalta, ta cu e biaha aki, faltando apenas un siman, ainda hopi hende no tin claridad kico e resultado lo bira, y tampoco tin claridad di con e proximo gobierno lo ta forma. Un cos ta sigur: E ta(bata) un campaña hopi interesante, cu hopi variable desconoci cu ta haci cu riba 6 di December, tur hende ta pendiente pa wak KEN finalmente ta gana careda aki, pero mas importante, CON e proximo gobierno su constelacion lo ta. Tik, tok, tik, tok…

Decision unanime di PPA: Otmar Oduber mes ta bay Parlamento
ORANJESTAD – E siman aki, Conseho di Partido PPA unanimamente a sostene pa Otmar Oduber mes asumi responsabilidad como Parlamentario y ta keda habri pa dialoga cu tur partido, manteniendo e curazon di nos programa “Nos Aruba 2025-2050”central. Asina e politico a confirma diahuebs pa noticiacla.com.
Mas Politica
Lesa Mas
Gobernador a nombra Tisa LaSorte como informador atrobe
ORANJESTAD - Gobernador di Aruba, Su Excelencia Alfonso Boekhoudt, diaranson merdia a bolbe nombra e actual CEO di Aruba Hotel & Tourism Association ,(AHATA), sra Tisa LaSorte como informador. Ultimo biaha na 2021 tambe esaki a sosode. E la hiba varios ronda di consulta e siman aki en conexion cu formacion di un gabinete nobo. A consulta cu conseheronan y cu e cabesantenan di e partidonan politico cu durante e eleccion di 6 di december a haya un of mas asiento di Parlamento di Aruba.
Mas Politica
Lesa Mas
Electorale Raad a presenta resultado oficial di eleccion 2024
ORANJESTAD – Electorale Raad diaranson mainta a certifica e resultado di e eleccion parlamentario 2024, y a establece tambe ken ta bira e 21 miebronan di parlamento pa 2024. E presidente Rossi Marchena a confirma e resultado oficial di e eleccion, estableciendo cu 4 partido politico (di 11 total cu a participa:red) a haya asiento, di cual PPA a haya 1, FUTURO 2+ 1 restzetel, MEP 6 + 2 restzetel y AVP 6 + 3 restzetel.
Mas Politica
Lesa Mas
Oduber(PPA): No por descarta loke pueblo a vota p’e den e eleccion ultimo aki!
ORANJESTAD – No por descarta loke pueblo a vota p’e. Tabata mensahe di lider di partido PPA Otmar Oduber diamars atardi despues di su audiencia cu Gobernador di Aruba. Oduber tabata e ultimo di 4 lider politico invita pa trata e resultado di eleccion 2024 y con PPA ta mira esaki. Segun Oduber 11 mil persona a manda un mensahe cla cu nan kier cambio. E ta referi na e 7 mil y pico voto di partido FUTURO y 3 mil y pico di PPA cu a bisa cu nan kier un cambio y un partido cu tin un programa cla. Ademas, Oduber a bisa cu e ta dispuesto pa sostene un gobierno activamente si e wordo invita.
Mas Politica
Lesa Mas
Gerlien Croes (FUTURO): Alineacion di programa di partidonan ta mas importante cu tur cos awor!
ORANJESTAD – Alineacion di programa (di partido) ta lo mas importante aworaki pa partido FUTURO. Asina e lider Gerlien Croes a bisa na salida for di su audiencia cu Gobernador di Aruba diamars atardi. E tabata e di tres (di 4 lider) invita pa Gobernador pa trata e resultado di eleccion parlamentario 2024. Segun Croes, prome cu papia ken ta traha cu ken, mester mira cua programa ta mas Alinea cu otro. A bisa tambe cu manera tur combersacion, mester ta dispuesto pa entrega cierto puntonan, contal cu puntonan basico manera e.o. e capital humano, keda para. Tambe importante ta pa trata e aspecto financiero, pasobra tur cos ta costa placa. Y como tal un otro punto importante, ta bahamento di gasto di gobierno, cu ta algo cu FUTURO a boga pe, durante henter campaña. Pa loke ta cartera di minister y otro asunto, Croes a repetidamente bisa cu esaki ta prematuro, y cu prome mester alinea e programanan, pa wak compatibilidad prome cu por determina e siguiente paso. Loke segun Croes ta hala atencion, ta cu ambos partido grandi ta cambiando di postura, y cu esey tambe ta hacie dificil pa formula un pensamento fiho riba nan aworaki.
Mas Politica
Lesa Mas
Cuarenta vishon riba setenta aña di e Statuut pa Reino
DEN HAAG – ‘Last of lust?’ ta titulo di un coleccion den cual cuarenta stakeholders di tur parti di Reino ta duna nan punto di bista riba e nificacion di e Statuut pa Reino Hulandes, cu lo ta celebrando su di setenta aniversario dia di december proximo. 15.
Mas Politica
Lesa Mas