Trump ta menasa cu invoerrechten pisá riba China, Canada i Mexico

WASHINGTON - Presidente eligi Donald Trump a menasa di imponé invoerrechten pisa riba Canada, Mexico y China den postnan riba su canal di medionan sosial Truth Social.

Segun Trump, e paisnan ey mester haci mas contra droga y migracion ilegal. Den su mensahe Truth Social, Trump ta skirbi cu e lo impone un tarifa di importacion di 25 porciento riba Canada y Mexico “riba tur producto” riba e prome dia di su presidencia.

E impuesto ei lo keda na vigor te ora cu e dos paisnan a stop loke Trump ta mira komo un “invasion” di migrantenan ilegal y droga, en particular e asina yama droga zombi fentanyl.

China lo enfrenta un impuesto di importacion di 10 porciento, tambe pa motibo di e cantidad grandi di fentanyl cu, segun Trump, ta drenta Merca pa medio di e pais. E heffing ta ademas di e invoerrechten existente cu Merca a impone riba China.

‘NINGUN HENDE TA GANA GUERA COMERCIAL’.

China a responde na e menasa di Trump pa medio di su embahada na Washington. Un bosero di e embahada a bisa cu tantu Merca como China ta beneficia di bon cooperacion y a enfatisa mas aleu cu “ningun hende lo gana un guera comercial.”

Canada y Mexico no a responde mesora riba e mensahenan di Trump. E gobierno di Canada a compartí un declaracion di prensa enfatisando cu un frontera sigur ta “e prioridad di mas halto.” Inmediatamente despues di e postnan di Trump, e dollar a subi fuertemente den balor contra, entre otro, e dollar Canades y e peso Mexicano.