Zr.Ms. Holland ta intercepta transporte grandi di droga den Laman Caribe

ORANJESTAD -  Zr.Ms Holland a intercepta 685 kilo di cocaina den Laman Caribe. E captura a tuma luga diabierne 8 di November, pero ta keda anuncia awe. Entretanto e di 6 intercepcion for di dia cu e barco di marina Hulandes a yega Laman Caribe.

E avion di patruya di Warda Costa di Teritorio Caribense a mira un boto sospechoso mainta tempran. Zr.Ms. Holland a tuma akshon inmediato i a sali rumbo pa e embarkashon sospechoso i a manda su navenan di intersepshon rápido riba esaki.

E tripulashon di e FRISCs,  eskuadron di e Flota di Marina i un ekipo di aplikashon di lei marítimo di Warda Kosta Merikano, a obligá e boto ku droga pa para. Finalmente esei a sosodé despues ku a los tirunan dirigí riba e motornan di e boto en kuestion. Durante di e akshon e tres trafikantenan di droga tabata tira paketenan for di e boto. Tur e paketenan a keda piska for di den laman i poné abordo di Zr.Ms. Holland. Un total di 685 kilo di kokaina a keda konfiská.

E sospechosonan i e droga a keda entregá na Warda Kosta Merikano. E trafikantenan lo keda persiguí na Merka.

BARKU DI STASHON

Zr.Ms. Holland ta aktivo komo barku di stashon den e teritorio di Laman Karibe for di inisio di sèptèmber. Durante operashonnan anti-droga e barku ta operá den interkambio variá ku Warda Kosta Merikano i Warda Kosta Karibense. NOTA: E texto ta scirbi den Papiamento fonetico di Corsou.