Presidencia, Senado i awor Congreso ta di Republicanonan

WASHINGTON - Na Merca, e bataya pa e Congreso tambe a wordo ganá pa e republicanonan. Mas cu un siman despues di e eleccionnan presidencial, a bira cla cu e partido di Trump ta retene un mayoria smal den e Congreso.

Esaki ta completa e victoria pa e ex mandatario. Trump a gana e careda pa Cas Blanco contra e democrata Harris. Cu 53 asiento, e republicanonan tambe a recupera control di Senado. Incluyendo e votonan conta recientemente na California y Arizona, e cantidad di asientonan republicano den e Congreso awor ta para na 218.

E Congreso tin 435 asiento, pues ku 218 e republicanonan awor tin mayoria. Ainda tin nuebe asiento pa cual e resultadonan no ta conoci ainda, pero awor ta sigur cu e republicanonan tin mayoria.

E mayoria republicano den Congreso, cu ta consisti di Senado y Camara, ta duna e presidente nobo espacio amplio pa implementa su politicanan. Ademas, e partido tambe tin e man riba Corte Supremo: mayoria di e huesnan den e corte ta conservador y nombra pa presidentenan republicano.

VOTO POPULAR

Tambe ta impresionante cu Trump a gana e asina yama votashon popular. E ultimo biaha ku un republikano a ricibí mas voto total cu su oponente democratiko tabata na 2004, ora cu George W. Bush a derota John Kerry.