Ministernan Wever-Croes y Tjon ta den Parlamento pa ‘metemento den OM’

ORANJESTAD – Awe mainta ta inicia e reunion publico estilo ‘Bijeenkomst’, di Parlamento pa scucha Prome minister Wever Croes y minister Rocco Tjon riba posibel metemento den Ministerio Publico den e caso di DIP. Ambos mandatario a sigura cu nan no a haci nada malo y cu nan lo tin suficiente prueba pa cu esaki. Parlamento di otro banda, cierto parlamentario, sinembargo ta cuestiona lo contrario.  

OB vs OV

E reunion inicialmente tabata un reunion publico estilo OV osea Openbare Vergadering, den cual e dinamica ta cu por e.o. entrega un eventual mocion, y den e caso specifico aki, uno di desconfiansa. Na Papiamento, no tin diferencia entre OV y OB pasobra ambos ta traduci na ‘reunion publico’, pero e contenido si ta different y importante. Pa motibo di seguridad, segun presidente di parlamento Raymond Kamperveen, a opta pa cambia e formato pa un ‘bijeenkomst’, evitando e posibilidad pa mocion, y evitando tambe un posibel ‘confrontacion’ den parlamento di e militancia di MEP, cu lo a menasa di crea problema si baha Wever-Croes como prome minister. Esaki a conduci na e cambio segun Kamperveen. 

APSURDO

Di parti di prome minister Evelyn Wever Croes, e la declara na e portal aki cu esey ta absurdo, sugeri cu ta militancia ta bin crea problema, pasobra segun Wever-Croes, e mes a pidi tur hende pa keda leu di parlamento e dia ey, incluso e militancia di e partido. Pues cu no tin ningun motibo pa tin panico ni intrankilidad. 

INFORMA

Ambos mandatario a haci hopi esfuerso den e ultimo dianan aki pa sigura y trankilisa comunidad pa cu e reunion di awe diamars, y sigura cu ta meramente un reunion informativo esaki lo ta, unda cu ta bay comparti informacion cu Parlamento y pa den nan palabra, demonstra cu nan no a haci nada malo y como tal, cualkier intencion anterior pa ‘baha’ e prome minister, no tin validez. Noticiacla lo vigila e reunion y raporta riba su desaroyo durante curso di dia.