OM: Director interino DIP ta sospechoso di soborno y abuso di su funcion

ORANJESTAD – Entrante awe e director interino di Directie Infrastructuur en Planning (DIP) Marilynn D. ta sospechoso di soborno y abuso di su funcion, den e caso cu a haya e nomber di Moringa. Ta trata di caso di dunamento di tereno posiblemente. Vocero di ministerio Publico Ann Angela a confirma esaki awe tardi pa Noticiacla. Sinembargo, noticia cu lo a detene si a keda desmenti pa e vocero. “No” tabata e contesta riba e pregunta ey. A confirma cu Landrecherche a bishita e persona D awe mainta na su cas y a confisca varios articulo, mnanera telefon y laptops. Segun e vocero, e investigacion ta continua. D. ta traha na DIP desde 2021 y na 2023 a nombre como director interino