- Huez: Besaril tabata usa debitcard mucho facil y Ling no a para e actuacion!
- Ling: “Mi tabata naïve y ta sinti mi mes culpable. Mi mester tabata mas alerta!”
- Besaril:” Mi no a kere cu mi lo a caba mi carera asina”
- Corte Superior a pospone caso Sayuri pa haya mas informacion
- Aruba Bank Walk & Run 2025 a ranca sali cu participacion masal
Parlamento Hulandes ta invita Szabó pa debate riba Desaroyo Economico Caribense
DEN HAAG – Camara di Representantenan di Hulanda a invita Secretario di Estado pa Relashonnan di Reino Zsolt Szabó (PVV) pa participa den un debate toc ante desaroyo economico di e parti Caribense di Reino. E reunion ta programa pa dia 12 di februari proximo.
E futuro economico di Saba, Curaçao, Aruba, y Sint Maarten ta keda un punto di agenda significativo pa Reino. Durante un debate resien riba presupuesto, vários miembro di Parlamento, entre otro Aukje de Vries (VVD) i Henk Vermeer (BBB), a busca claridad riba e plannan di Hulanda pa cresemento economico den e islanan Caribense.
Szabó a enfatisa e importancia di empresario y iniciativanan local, resaltando invercionnan hulandes dirigi den seguridad di cuminda, camindanan y hafnan. Sinembargo, tabatin algun debate tocante e enfoke riba infrastructura riba otro areanan di desaroyo economico. Szabó a defende e acercamento aki door di declara cu cresemento sostenibel ta depende di servisio fundamental robusto.
Buelonan pa parti Caribe di Reino exonera di impuesto aereo probablemente
DEN HAAG--Gobierno Hulandes probablemente lo exonera vuelonan pa y for di e parti Caribense di Reino di e aumento planea di impuesto riba pasahero aereo programa pa 2027. Secretario di Estado pa Relacionnan di Reino Ferenc Zsolt Szabó a duna un recomendacion positivo na un mocion entrega pa e Miembro di Partido di Libertad di extrema derecha PVV di Parlamento Peter Hali Hali exoneracion. Ta anticipa cu un votacion formal riba e mocion lo tuma luga diamars proximo.
Hulanda no ta mete awor cu Merca a corta financiamento pa NGO pa islanan CAS
DEN HAAG – Gobierno Hulandes ta bisa di lo no interveni pa compensa e perdida di sosten financiero di Merca cu ta afectando NGO’s y iniciativanan di sociedad civil na Aruba, Curaçao, y Sint Maarten. Esaki a keda confirma door di Secretario di Estado Hulandes pa Relashonnan di Reino, Zsolt Szabó, como contesta riba preguntanan por eskrito di Parlamentario Hulandes Raoul White (GroenLinks-PvdA).
KLM ta spera mas cancelacion debi na mantencion di su avionan tipo Boeing 787
SCHIPHOL - KLM ta premira di tin cu cancela varios vuelo den e proximo simannan cu lo wordo opera cu un Boeing 787. Segun un vocero, esaki lo por encera algun vuelo pa dia, pero e compania no por duna cifranan exacto. Esaki ta wordo evalua riba un base diario.
Hulanda a recorda victimanan di e Segundo Guera mundial, riba Dam
AMSTERDAM - Pa 8 or di diadomingo anochi ora di Hulanda, un Dam Square casi yen na Amsterdam a observa dos minuut di silencio pa e victimanan di e Segundo Guera Mundial y otro conflictonan arma den cua Hulanda tabata enbolbí. E ceremonia a pasa sin incidentenan grandi.
Trump ta menasa di boycotea e cumbre di OTAN na Den Haag si paisnan ignora su yamada
AMSTERDAM – Gobierno Mericano ta poniendo mas presion diplomatico riba Alemania y otro partnernan Europeo pa aumenta significativamente e presupuesto di defensa. Si esey no sosode, presidente Donald Trump di e poderoso militarmente Merca por boicotea e cumbre di OTAN na Den Haag otro luna. Esaki ta loke Der Spiegel ta skirbi. Cu Washington mester hisa e normanan di OTAN a wordo haci cla pa hopi tempo pa Trump. Tambe den su prome mandato, ora el a critica varios lider di gobierno, incluyendo e canciyer di Alemania Angela Merkel, pa loke el a mira como un presupuesto di defensa insuficiente y pa sigui depende riba e mericanonan.
Homber tira mata riba terasa di hotel na Rijswijk, Hulanda
RIJSWIJK - Un homber a wordo tira mata riba e terasa di un hotel na Rijswijk (Sur di Hulanda) poco prome cu 6 p.m diahuebs ora di Hulanda. E doño di e hotel a bisa Omroep West cu e victima a wordo tira di cerca. Esaki a keda captura riba imagennan di camara. “Bo ta mira un homber ta acerca sin tapa cara, ta tira y despues ta core bay,” e doño di e hotl a bisa.
Follow NoticiaCla
