Cantidad di morto pa motibuo di inundacion di Spaña ta subi na 205

VALENCIA - E cantidad di morto di e inundacionnan sin precedente di diamars na Spaña a subi na 205, haciendo esaki e pio desaster natural di Europa den cincuenta aña. Hendenan ta perdí ainda, pues ta anticipa cu e cantidad di morto lo subi mas.

E peliger no a caba ainda. Agencianan meteorologico ta adverti pa mas yobida pisa na Tarragona, Cataluña, y parti di Islanan Baleares.

Na Valencia tin temor pa kiebra di un dam debi na e acumulacion di awa. E dam, situa na Sot de Chera, ta wordo vigila di cerca. Cincuenta persona a keda evacua como medida di prevencion. E nivel di menaza ta stabiel y parce cu e awa ta cuminsa baha, segun e corant El Pais ta scirbi.