- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Sagicor Life a organisa un 5K Funwalk pa consientisacion di cancer di pecho
ORANJESTAD - E team di Sagicor Life a organisa ‘We Care We Walk’, un 5K Fun Walk riba diadomingo 13 di october, como sosten di Luna di Consientisacion di Cancer di Pecho, treciendo e comunidad hunto pa un causa significante. Tur fondo recauda y duna na e evento lo wordo dona na e partner di Fun Walk: Stichting BOB, un organisacion dedica na conscientisacion di Cancer di pecho y e importancia di screening trempan na Aruba.
E caminata, cu a cuminsa 6:00am for di e lugar di staciona auto di Vida Properties, e localidad di Cuts & Curves Gym y e oficina di Sagicor cu pronto lo habri, a wordo sostene cu entusiasmo pa tur cu a tuma parti, incluyendo famianan, amigonan, y gruponan di negoshi. Participantenan a wordo encurasha pa bisti na roos pa mustra nan solidaridad cu sobrevivientenan di Cancer di Pecho y esnan cu ta bringando e malesa actualmente. E participante mihor bisti, Rosa Kelly-Yarzagaray, ta un sostenedor di consientisacion di Cancer di Pecho hopi motiva. E evento a wordo diseña no solamente pa promove conscientisacion pero tambe pa encurasha un bida saludabel y union den e lucha contra cancer di pecho.
“Nos ta masha entusiasma cu e participacion activo y gran sosten di e comunidad y di nos voluntarionan di Sagicor, e sponsernan y otro boluntarionan. Unabes cu e planificacion a cuminsa, asina hopi tabata entusiasma pa bin abordo y sostene. Y e resultado tabata un ambiente familiar y di celebracion.” asina Randall Croes, Branch Manager pa Sagicor Life a bisa. “Cancer di pecho ta afecta asina hopi bida, e por ta bo ruman muhe, mama, colega of bon amiga cu por ta un victima y nos ta comprometi pa haci di nos parti den conscientisacion y busca fondonan pa sostene e trabou importante di Stichting BOB. Nos ta extende nos danki di curason na tur cu a participa y contribui.”
Diantha Nuesch di BOB Aruba a bisa, “E organisacion di e evento tabata magnifico y tur hende di Sagicor y Stichting Bob a yuda pa e tabata un exito. Ami y mi team ta hopi agradecido pa e evento, tur e fondonan ta bay pa Stichting BOB Aruba, y nos ta aprecia esey inmensamente. Cu e fondonan nos lo por aumenta nos esfuersonan di mercadeo y promocion pa asina tur hende riba e isla compronde dicon screening y deteccion trempan ta importante. Nos tur tin hende muher den nos bida cu nos lo kier tene cu nos mas largo y deteccion trempan por haci un diferencia.”
E fondonan recauda pa medio di e evento lo bay directamente pa Stichting BOB pa sostene nan esfuersonan den brinda educacion, recurso, y asistencia na individuonan afecta pa cancer di pecho den henter Aruba. Sagicor y su sponsors a cubri tur gasto material di e evento.
Cada participante a ricibi un medaya como recuerdo di nan participacion.
Desicion tin cu cay pronto unda e wega di futbol entre Corsou y Jamaica lo bai tuma lugar
WILLEMSTAD – Despues di e enorme destruccion cu horcan Melissa a laga atras den various parti di Jamaica, mesora a cuminza pensa riba unda e wega crucial entre Corsou y Jamaica lo bai tuma lugar. E wega aki ta plania pa tuma lugar dia 18 di november na Kingston, Jamaica.
COA a ricibi bishita di hobennan cu lo participa den e campeonato mundial di Robotics
ORANJESTAD – Recientemente COA a ricibi un bishita unda Oriana Paneflek, Ruarth Lampe y Guiyan de Nobrega di “The STEM Embassy” a bishita oficina di COA. Aki Nicole Hoevertsz a duna un tour di e edificio, ademas di duna un splicacion amplio y general di Olimpismo y Aruba su historia dentro di esaki. “The STEM Embassy” a crea e ekipo di Robotics cu lo representa Aruba na e competencia Internacional cu yama “FIRST Global Challenge” cu ta tuma luga na Panama City-Panama, otro siman. Remarkabel ta cu e hobennan aki ta studiante di “middelbare school” y ta atende Colegio Arubano. E ekipo lo wordo acompaña door di LeAnn Tromp y Jillian Oduber.
Futbolista hulandes Terence Groothusen a wordo yama pa reforsa seleccion di Aruba
ORANJESTAD - E hungador di futbol profesional hulandes di Olympia Haarlem, Terence Groothusen, a wordo yama atrobe pa representa seleccion nacional di futbol di Aruba. E delantero a wordo selecciona pa e proximo partidonan cu ta tuma luga bou di e nobo Concacaf Friendly Series, un competencia destina pa paisnan cu a wordo elimina for di e clasificacion pa e Copa Mundial.
Yiu di Corsou Ceddanne Rafaela ta gana e Fielding Bible Award pa prome biaha
BOSTON – Ayera a anuncia e diferente ganadornan di e Fielding Bible Award, cu ta e premio pa e mihor hungador defensivo na kada posicion den Liga Grandi. E yiu di Corsou, Ceddanne Rafaela, a gana e Fielding Bible Award como e mihor centerfielder defensivo den Liga Grandi. Esaki ta e prome Fielding Bible Award den e carrera di Ceddanne Rafaela. E a bira tambe e di tres yiu di Corsou pa gana e premio aki. Andruw Jones a gana un Fielding Bible Award, mientras Andrelton Simmons a gana seis. Den historia di e premio, Simmons ta e di dos hungador cu mas biaha a gana e Fielding Bible Award. Solamente Mookie Betts, cu ayera a gana su di shete, tin mas cu e shortstop yiu di Corsou.
Boston Red Sox tambe ta planea pa laga Chadwick Tromp bay
BOSTON – Boston Red Sox no ta bay tene e arubiano Chadwick Tromp, sino lo lague bay y bira agente liber. Nan a firma Tromp na juli ultimo, den intento pa e bira e di 3 catcher pa yuda e novato Narvaez. Pero e no ta parce di ta produciendo suficiente.
Sarah-Quita Offringa ta scibi historia cu titulo di Aloha Classic y su di cinco titulo mundial consecutivo
Maui – Sarah-Quita Offringa a skibi historia atrobe, ganando su di cuater titulo di **Aloha Classic** (2016, 2019, 2023, 2025) y iguala asina e record di Angela Cochran , cu a gana den 1989, 1990, 1991 y 2000. Den un giro casi poetico di e destino, Cochran a yega atrobe na final e aña aki, mas cu cuarenta aña despues di su prome titulo. Pa Offringa, e victoria aki no ta solamente un otro trofeo, sino tambe su di cinco titulo mundial consecutivo den e disciplina di Wave . Asina e ta sigui fortifica su reputacion como e windsurfer muhe mas completo y dominante di e epoca moderno. Den total, e tin awor 28 titulo mundial , un lista di honor sin igual cu ta fija definitivamente su nomber den e historia di deporte.
Follow NoticiaCla
