- Doño di Tesla, Elon Musk por gana un bonus di 1 biyon dollar
- Colaboracion pa aumenta exito di estudio pa studiantenan Caribense ta haya continuacion
- Ajax a despedi entrenador su John Heitinga despues di mal cuminsamento di temporada
- Minister Croes a firma acuerdo na Bonaire pa Vierlanden Overleg Enseñansa y Cultura
- Gobierno di Aruba a emiti conseho di biahe negativo pa Venezuela y Haiti
Ex studiantenan riba e islanan por reduci pago di debe di studiante
ORANJESTAD – For di dia 11 pa 29 di november, Agencia Ehecutivo di Enseñansa (DUO) lo bishitá Aruba, Kòrsou, Boneiru i Sint Maarten pa informa ex-studiantenan tocante posibel reduccionnan den nan pago mensual di debe di studiante. Datonan ta mustra cu algun studiante anterior ta paga mas cu ta nesesario pasobra e montante mensual hopi biaha ta wordo kalkulá sin tene kuenta ku entrada. Durante e bishita, DUO lo habri ofisinanan di servisio temporal i organisá enkuentronan di informashon pa futuro studiantenan.
Segun Monique Hoogerwerf, kordinadó di Karibe na DUO, ta krusial pa eks studiantenan duna nan detayenan di entrada. “Nos ta conseha tur hende pa raporta nan entrada. E suma mensual nobo por ta solamente mas abou y nunca mas halto,” Hoogerwerf ta splica. Aña pasa, DUO a core un campaña similar cu tabata hopi exitoso caba, pero cu e campaña nobo DUO kier yega mas hende ainda.
APOYO
Ex-studiantenan cu tin pregunta tocante nan debe di studiante of financiamento di studiante por tuma contacto cu e oficinanan di servicio temporal riba e islanan sin un cita. Empleadonan di DUO ta duna sosten den yenamento di formulario y por yuda si un hende no tin acceso mas na e servicionan digital di DUO. Bishitantenan mester trese un ID bálido i un estado di entrada di outoridatnan di impuesto pa 2022 i 2023, di manera ku por pidi un redukshon di e montante mensual na e sitio.
Banda di e ofisinanan temporal, DUO ta ofresé un webinar pa eks studiantenan. Esaki no solamente ta splika kon pa redusí e pago mensual, pero tambe tokante e benefisionan di pago lokal. Pa futuro studiantenan cu kier bay studia na Hulanda, DUO ta organisa encuentronan di informacion den colaboracion cu e Collaborating Universitys of Applied Sciences na Aruba y Curaçao. E reunionnan aki ta wordo ofreci pa prome biaha durante e feria di estudio y carera, pa asina por yega na mas studiante y nan mayornan ainda. NOTA: E texto ta scirbi den Papiamento fonetico di Corsou.
Avion di JetBlue di Boston pa Aruba a cambia rumbo pa emergencia medico
BOSTON - Un avion di JetBlue cu tabata biaha for di Boston pa Aruba — a cambia rumbo ayera 4 di november pa Bermuda pa motibo di un emergencia medico bordo cu un pasahero. No ta conoci ki emergencia e tabata. E avion tipo Airbus A321 a sali despues riba su ruta original pa Aeropuerto Internacional Reina Beatrix den Aruba, despues di e desviacion temporario.
Estudio climatologico di NCRC: Si no haci nada, Aruba lo enfrenta un cambio drastico
ORANJESTAD — Stimson Center (un instituto di investigacion Mericano), hunto cu e Conseho Nacional pa Resiliencia di Clima (NCRC), a publica e siman aki e resultadonan di un estudio (yama CORVI) tocante riesgonan di clima y lama pa Aruba. E investigacion a wordo patrocina door di Gobierno di Aruba, Aruba Hotel & Tourism Association (AHATA), Aruba Bank, Aruba Tourism Authority (ATA), Aruba Airport Authority (AAA), Banco Central di Aruba (CBA), Metacorp, SETAR, WEB y Utilities NV E estudio CORVI aki ta splica e impactonan grandi di cambio di clima na Aruba. Si nos no haci nada, Aruba lo enfrenta un cambio drastico. Nivel di lama ta subi, lo tin mas calor y secura pa mas largo, y nos costanan ta gastando. Esaki ta un peliger pa casi tur cos na Aruba: nos casnan, cuido medico, turismo, economia y infrastructura.
Premier Mike Eman ta invitado di Noticiacla LIVE awe diamars!
ORANJESTAD – Premier Mike Eman ta invitado di Noticiacla LIVE awe diamars anochi. Pa un motibo fuera di alcanse, e programa pa siman pasa diahuebs nochi cu invitado Prome Minister Mike Eman, no a sigui mas sino a bay pa awe diamars 4 di November 2025, mesun ora esta 8:30pm. Durante e programa, e moderador Tito Laclé lo haci varios pregunta riba e tema di e.o. HOFA, pa haya clarificacion riba e tema actual. E programa ta pasa riba e pagina di Facebook di Noticiacla 2.0. y despues riba e pagina di youtube di Noticiacla. No perde!
E posible proximo prome minister di Hulanda, tabata invitado di Noticiacla LIVE
ORANJESTAD – Si tur cos cana manera e ta premira di lo cana, lider di partido hulandes D66 sr Rob Jetten, lo ta e proximo prome minister di Hulanda. Tabata na mei di 2023 cu e persona cu posiblemente ta bira e proximo minister presidente di Aruba, tabata un invitado den e programa Noticiacla LIVE esta Rob Jetten. E tabata minister di clima y energia e e tempo ey, y tabata presente pa un congreso di medio ambiente na Aruba. Esey tabata e prome contacto cu nos tabatin cu sr Jetten en tempo ey. Si tur cos cana bon, sr Jetten lo bira e proximo prome minister di Hulanda, liderando partido D66. Pa wak e fragmento, riba pakico no a habri e conferencia pa publico e tempo ey, click AKI. Ademas sr Jetten ta papia di ta conciente pakico e tema di clima no tabata mucho interesante pa hendenan local na Aruba e tempo ey. Pa e fragmento ey, click AKI. Y e video inicial cortico, sr Jetten ta bisa cu e ta stima e islanan!.
Ora bo pidi ‘poco awa cay’, cuidou loke bo ta desea, pa despues no lamenta!
ORANJESTAD – No pidi pa algo, si bo no sa e consecuencia, pasobra despues bo lo lamenta. No ta awor sino masha tempo, cu ciudadanonan (varios) ta pidi pa yobida pa Aruba. Algo normal y comprendibel, ya cu yobida ta percura pa mehoracion di nos flora y ta haci nos tera berde. Sigur ora cu nos tin hopi tempo sin haya un yobida, cu ta crea secura. E problema ta, cu hende ta pidi cos sin sa, of ta keha semper, den bon y malo. Entre otro, ora cu hende tende cu tin mal tempo na caminda, nan ta practicamente reza pidi, of te hasta sclama, pa e pasa riba Aruba, ‘pasobra nos mester poco awacero’. E problema ta cu ora cu e ‘mal tempo’ aki yega, y pasa riba Aruba, e daño cu e ta of por haci, ta pone cu despues, bo isla ta keda ‘na werki’. Y esaki ta sosode hopi biaha tambe ora cu tormenta tropicalnan tin Aruba riba nan caminda. ‘Mare e por pasa pa asina nos haya poco awa’. Si nos raporta cu e tempo ta na caminda, e critica ta ‘ay no, boso a spanta e tempo caba y e la bay’, of ‘keda keto, laga e cos pasa pa nos haya awa’. Y si nos no bisa nada, nos ta haya zundra:’ Bo no por a avisa nos sikiera? Ata nos yen di problema awo’. Pues nunca no ta bon. Enfin. Nos a custumbra.
Premier Mike Eman ta invitado di Noticiacla LIVE otro siman diamars!
ORANJESTAD – Pa un motibo fuera di alcanse, e programa pa awe nochi cu invitado Prome Minister Mike Eman, no ta sigui awe mas sino ta bay pa otro siman diamars 4 di November 2025, mesun ora esta 8:30pm. Durante e programa, e moderador Tito Laclé lo haci varios pregunta riba e tema di e.o. HOFA, pa haya clarificacion riba e tema actual. E programa ta pasa riba e pagina di Facebook di Noticiacla 2.0. y despues riba e pagina di youtube di Noticiacla. No perde!
Follow NoticiaCla
