Falta cuater partido pa logra cera nan 586 firma pa por participa na eleccion na december awor

ORANJESTAD – Faltando 3 dia (incluyendo awe diabierna), tin cuater partido politico ainda buscando e cantidad di 586 firma pa por sigura nan participacion na e proximo eleccion parlamentario na December. E partido RED Democratico ta esun mas recien pa logra e meta diahuebs merdia. A keda partido CURPA (faltando 143 firma, HTC faltando 186, y MIA y UPP cada un faltando 543. Ta mustra aworaki cu e prome dosnan tin chens realistico pa logra nan meta prome cu diamars proximo. E otro dosnan, si bay riba e patronchi di firma cu nan ta ricibiendo diariamente, no ta bay yega na meta. Asina mes, por bien ta cu manera a pasa na 2021, ta bin un grupo di ‘ayudantenan’ di otro partido cu ta cera e firmanan, djis pa asina e partidonan grandi logra mas ‘restzetels’.