- Iberostar Beachfront Resorts a presenta su Shoco Boulevard
- Deportista Arubiana cu a keda paralisa despues di accidente na Merca, buscando fondo pa yuda cu gasto
- Director di SETAR, Roland Croes ta invitado di Noticiacla LIVE awe nochi
- Liberalnan Canades ta gana eleccion, danki na Trump
- Pleito interno den OM di Aruba, posibel motibo cu caso Holloway no a keda soluciona
Hungadonan di team di baseball di Reino cu Schoop y Gregorius pa e Copa di Mundo no oficial
AMSTERDAM - E ex-hungadonan di MLB Didi Gregorius i Jonathan Schoop ta esnan cu ta capta bista mas grandi den e seleccion di Reino Hulandes pa e torneo Premier12, e Copa Mundial di Baseball no oficial.
Gregorius a hunga pa dies aña den e liga di baseball mericano di mas grandi, incluso cu New York Yankees y Philadelphia Phillies. Aña pasa el a haci su regreso den e seleccion di Reino na e Campeonato Europeo. Gregorius awor ta hunga den liga mexicano, mescos cu Schoop, kende tambe a hunga den MLB pa añanan. Ambos hungador tabata tey na 2011 ora cu Hulanda a gana e titulo mundial.
E torneo Premier12 lo wordo hunga di 9 pa 24 di november na Mexico, Taiwan y Hapon. E prome partido pa e equipo di entrenador nacional Evert-Jan van ’t Hoen ta dia 9 di November contra di Panama. Despues Hulanda lo hunga den grupo A contra Merca, Puerto Rico, Mexico y Venezuela. Number uno y dos ta bay pa semi-final.
Ta trata di e di tres edishon di e Premier12, e ekipo Real tabata presente na tur edishon. Te ainda esaki no a duna ningun medaya.
Liberalnan Canades ta gana eleccion, danki na Trump
OTTAWA - Partido Liberal di prome minister Mark Carney a gana e eleccion di Canada. No ta cla ainda si e liberalnan a logra un mayoria absoluto den parlamento. Pa logra esaki e partido mester obtene 172 di e 343 asientonan. Carney a reclama e victoria di eleccion den un discurso. El a bisa cu e ta ansioso pa traha cu tur partido den Parlamento. Poco prome cu su discurso, e lider di e partido Pierre Poilievre di e Partido Conservador, principal competidor di e Liberalnan, a admiti derota.
SWI: Amnestia Internacional ta culpa Aruba di no trata solicitantenan Venezolano pa asilo corectamente
DEN HAAG - Amnestia Internacional (AI) a denuncia diamars awor cu gobierno Hulandes cu ta inclui un mayoria di e derecha radical, a propone medidanan pa restringi e posicion procedural y asistencia huridico di solicitantenan di asilo como parti di un pakete mas amplio dirigi riba enforsamento di e politica di asilo na Hulanda. Tambe el a critica e hecho cu na Aruba, parti di Reino Hulandes, solicitantenan di asilo Venezolano, incluyendo muchanan, “no tabata tin acceso na proceduranan di asilo husto y efectivo.” Asina e portal swiss info ta raporta. Riba e portal di Amnesty International mes, no ta mira e raporta aki si. E articulo riba e portal suizo, ta mas enfoca riba e situacion Hulandes, pero remarcablemente a haci mencion di Aruba tambe den e articulo aki, aunke no ta bay den detayes di e caso.
Conclave pa eligi Papa nobo ta cuminsa dia 7 di mei
VATICANO - Vaticano a dicidi cu e conclave pa eligi un Papa nobo lo cuminza dia 7 di mei proximo E fecha a worde fiha awe durante un reunion cera di cardenalnan na Vaticano.
Aruba entre e 10 miho playanan di mundo atrobe
MIAMI - Portugal, Italia, Spaña, Merka, Seychelles, Australia, Aruba i Cuba ta ‘fiha’ entre e playanan mas imprecihonante na mundo cu beyesa natural elogia y awanan cristal cla. Asina e portal travel and tour world ta raporta dialuna.
‘Papa di pueblo’ Francisco dera despues di misa di entiero na Ciudad Vaticano
CIUDAD VATICANO - Papa Francisco ta dera den e Basilica di Santa Maria Maggiore na Roma. Mas tempran den dia, e misa di entiero a wordo teni na Plaza San Pedro na Ciudad di Vaticano.
Ex-presidente di Brazil encarcela pa corupcion y labamento di placa
BRASILIA - Ex presidente Brasileño Fernando Collor de Mello a wordo deteni awe. Corte Supremo a dicta ayera cu mesora e mester cuminsa sinta su castigo di prizon pendiente pa motibo di corupcion.
Follow NoticiaCla
