Encuesta politico # 2 di Noticiacla: Partidonan MEP y FuTURo ta keda na cabez

ORANJESTAD – Den e di dos encuesta politico pa 2024 di noticiacla.com (relaciona cu e proximo eleccion parlamentario) teni den forma electronico entre e lectornan di Noticiacla.com, partidonan MEP y FuTURorespectivamente a keda e partidonan na cabez di e encuesta, cu partido AVP na di tres lugar atrobe. Asina e resultado preliminar di e encuesta ta mustra. E temanan di e encuesta tabata e.o., Pa cua partido bo lo a vota awor, Si bo ta cla pa vota, Ki tema mester di atencion , y ki tipo di gobierno bo lo kier. Loke falta pa publica, ta e detayenan pa loke ta escogencia segun edad y tambe districto. 

PARTIDONAN POLITICO REGISTRA

Mientras cu den e prome encuesta a inclui tur 23 partido politico cu actualmente ta registra na Censo, den e di dos encuesta a inclui solamente partidonan cu a entrega nan lista di candidato, pues tin 10 partido menos. Ademas, e encuesta aki no a inclui programa di partido di e partidonan, cu ta bolbe nifica cu esnan cu a scohe e partido politico e biaha aki, ta meramente pasobra na ta sostene e partido ‘sin mas’. Conforme e lista aki unda cu mas persona a participa (89 mas ) compara cu e prome encuesta,  (1906 vs 1817 persona) 1802 persona (compara cu 1607 den e encuesta prome)  a scohe un partido riba e lista, y 104 a opta pa ‘skip’ e parti aki, y 80 (4.4%) a scohe como opcion cu nan no ta sostene ningun di e partidonan aki. 

CUA PARTIDO TA POPULAR 

Entre e 1802 ( di e 1906 total) personanan cu a contesta e pregunta di escogencia di partidonan politico, partido MEP a logra mayoria e biaha aki atrobe cu 55% vs 53% (un aumento di 2%) den e encuesta anteriorsigui pa FuTURo (14% awor vs 12% den e encuesta anterior), y AVP (8% cu ta uno menos cu esun anterior cu tabata 9%). Na di cuater lugar e biaha aki partido Lucha pa Reforma (LPR) a sobresali cu 5% su so, cu ta miho cu e prome encuesta unda cu eynan e mester a comparti e posicion aki cu e partidonan  RAIZ, y ACCION21. Na di 5 lugar e opcion ‘Niun di nan’ a vence cu 4.4%, mientras cu den e prome encuesta, esaki a bay pa  PPA y CURPA. E otro partidonan cu a haya voto, di mas hopi pa menos, ta partido MAS cu3.05%, ACCION21 cu 3% 2.55%,  PPA cu 2.3%,  RAIZ cu 2.2%, CURPA cu 2%, RED cu 1.2%, HTC y Movimento Indigena Arubano cada uno cu 1%. E partido cu a haya menos ‘voto’, tabata UPP cu apenas 0.2% . 

MEP - 54.50%  

–

FUTURO -  13.76%  

–

AVP - 7.94%  

–

Lucha pa Reforma-  5.05% 

–

Niun di nan  - 4.44%  

–

MAS  - 3.05%  

–

ACCION21 -  2.55%  

–

PPA. - 2.28%  

–

RAIZ - 2.16%  

–

CURPA - 1.72%  

–

RED - 1.17%  

–

HTC - 0.67%  

–

Movimento Indigena Arubano - 0.55%  

–

UPP - 0.17%  

TEMANAN DI PREOCUPACION

Un pregunta ‘nobo’ den e parti aki, ta referi na 14 tema di preocupacion y a puntra pa e lector scohe e 5 temanan mas preocupante cu mester di atencion di e partidonan cu ta participando den e eleccion aki. Esun cu a sobresali tabata e tema ‘Con lo atende cu problema di aumento di costo di bida cu 71% di e votonan. Sigui pa Cua paso lo tuma pa mehora calidad di bida di nos grandinan cu 46%, y uno tambe cu a hala atencion, esta e tema actual, Con pa percura pa tanto den aparato publico (gobierno) y sector semi-publico preveni corupcion of fraude cu 44%, Con lo atende cu Finanzas publico cu 42% y Con lo percura pa vivienda pagabel pa ciudadanonan na 39%. Remarcable ta cu dos tema cu lo a kere cu a haya basta reaccion, esta – Kico lo haci pa proteha nos naturaleza di destruccion door di turismo, y Kico lo haci cu e refineria a haya ‘apenas’ 27 y 22% respectivamente. Pues esaki pa esnan cu a participa den e encuesta aki, no ta halto riba e lista di preocupacion. 

Con lo atende cu problema di aumento di costo di bida -  71.31%  

–

Cua paso lo tuma pa mehora calidad di bida di nos grandinan - 46.39%  

–

Con pa percura pa tanto den aparato publico (gobierno) y sector semi-publico preveni corupcion of fraude - 44.19%  

–

Con lo atende cu Finanzas publico - 42.09%  

–

Con lo percura pa vivienda pagabel pa ciudadanonan - 38.70%  

–

Kico lo haci cu Landspakket y Rijkswet pa supervision financiero - 33.15%  

–

Con lo atende cu e illegalnan na Aruba - 32.67%  

–

Kico lo haci pa introduci cuido médico preventivo - 30.25%  

–

Kico lo haci pa ataca pobresa na Aruba - 30.09%  

–

Ki plan lo tin pa baha e impacto di turismo riba nos infrastructura, nos medio-ambiente y nos accesibildad di nos local nan na luganan publico - 27.56%  

–

Kico lo haci pa proteha nos naturaleza di destruccion door di turismo - 27.07%  

–

Cua sector económico lo wordo stimula pa crece y con - 22.23%  

–

Kico lo haci cu e refineria - 22.23%  

–

Ki maneho lo hiba pa promove mas participacion local den comercio - 18.08%

CON BO KIER WAK E GOBIERNO?

Un otro pregunta cu a bolbe den e encuesta aki y cu tambe a haya hopi atencion,- unda cu 1857 di e 1906 persona cu ta mas cu e biaha pasa unda cu 1178 di e 1817 personanan cu a participa a contesta -, ta con e gobierno mester ta forma. E opcion cu atrobe a haya mayoria ta ‘Gobierno di un solo partido, cu 52%  compara cu 49% den e prome encuesta. E ta interesante mirando cu mientras cu ta conoci cu esun cu a haya mayoria, esta MEP tabatin 845 voto, tabatin 879 persona a vota pa un gobierno di un solo partido. Esey kier men cu 34 persona mas, cu no a vota pa MEP, tambe kier un gobierno di un solo partido. E siguiente opcion cu a haya mas voto, ta e opcion di un ‘Coalicion entre partidonan chikito so’, pero cu e biaha aki a haya menos si cu 23% compara cu 25% di e votonan emiti biaha pasa, sigui pa un Coalicion manera cu nos a conoci ultimo tempo’ esta entre un partido grandi y uno chikito, cu ta 22%, uno mas compara cu biaha pasa di 21%. E ultimo opcion tabata esun menos popular, cu ta un coalicion entre e dos partidonan grandi. Esaki kier men cu mayoria, no kier wak e dos partidonan ‘grandi y y tradicional’ esta MEP y AVP pa nan traha hunto. 

VOTADORNAN INDECISO 

Mientras cu e segmento cu obviamente a haya mas atencion ta pa cua partido lo bo vota, e loke a hala atencion tambe ta entre otro e grupo indeciso pa sea bay vota, of sa pa ken nan lo vota. Entre nan a sali cu 13% di 1804 persona cu a contesta e pregunta ey, 13% no sa pa ken nan vota ainda, mientras cu ora cu a puntra si bo ta bay vota, e cantidad a aumenta na 1812 persona unda cu aki 4% a bisa cu nan no sa cu nan lo vota ainda. 

PROXIMO ENCUESTA

Den e proximo encuesta lo tin solamente e partidonan politico cu tabatin asiento den e ultimo Parlamento y e partidonan nobo cu a haya e cantidad necesario di firma pa tambe sigura nan participacion den e proximo eleccion di December 6, 2024, conforme e registro despues di 18 di oktober 2024. Despues lo tin un encuesta mas, cu ta cuminsa net despues di e unico debate cu Camara di Comercio lo organisa dia 14 di November proximo.  

DISCLAIMER

Manera tur encuesta di Noticiacla, e resultado aki tambe ta anonimo, y no scientifico. Ademas Noticiacla ta conciente cu esaki ta un encuesta electronico pues solamente acesibel na esnan cu tin internet y cu primordialmente ta sigui Noticiacla.com.  E encuesta number 2 a core di diaranson 16 di oktober 2024 pa diadomingo 20 di oktober 2024 den cual un total di 1906 a participa, cu ta 89 persona mas.