Na Corsou, minister kier pa investiga morto di Colombiana

WILLEMSTAD. – Minister di Hustisia Shalten Hato despues di a tuma nota di resultadonan di investigashon interno i tambe kombersashon ku Hefe di Kuerpo Polisial Kòrsou, Minister a aserká Prokurador General di Ministerio Públiko, relashoná ku e inkietut nan ku vosiferá.

Despues di e investigashon interno i a risibí informashon adishonal, Minister na su turno a aserká Prokurador General, pa diskutí e posibilidatnan pa Landsrecherche hasi un investigashon den e kaso aki i tambe duna klaridat si tin kualke prosedura ku no a kumpli kuné korektamente den e kaso enkuestion.

E investigashon ku Landsrecherche lo efektuá ta kana lòs for di e investigashon interno den Kuerpo Polisial Kòrsou ku ya a inisiá den e kaso aki. Prokurador General a indiká na Minister di Hustisia despues di e kombersashon sostené ku enbèrdat komo Prokurador General el a duna indikashon na Landsrecherche pa inisiá un investigashon di echo relashoná ku morto di e dama di nashonalidat kolombiana ku a fayesé dia 2 di òktober último na Kòrsou. Den kuadro di e investigashon ku Landsrecherche a inisiá, lo no por duna mas detaye den e kaso aki.

Minister di Hustisia ta ekstendé palabranan di kondolensia na famianan di e defuntu. NOTA: Texto ta scirbi den Papiamento fonetico di Corsou.