- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Kiwanis Club of Palm Beach ta lansa programa “Invest In Me”
ORANJESTAD – Kiwanis Club of Palm a anuncia e lansamento oficial di su iniciativa nobo, Invest In Me, un programa cu ta dirigi riba Educacion Financiero di nos muchanan. E programa a ser lansa riba diasabra 5 di October na Scol Basico Xander Bogaerts den precensia di educadornan, partnernan, miembronan y invitadonan.
E programa "Invest In Me" ta diseñá pa siña muchanan e principionan basico di financiamento personal, ekipa nan cu e recursonan pa tuma desicionnan inteligente tocante di placa, spaar, presupuesto, y planificacion pa futuro y tur esaki den forma di un wega (board game). Durante e programa, e muchanan lo siña con pa pone metanan financiero, compronde e importancia di spaar, compronde e fundeshi di gana y gasta, y haya un comprondemento basico di un maneho inteligente di placa cu lo sirbi nan bon te ora nan bira adulto.
IMPACTO Y OUTREACH DEN E PROME AÑA
Den su prome aña, "Invest In Me" lo conta cu e sosten di 20 di 37 scol primario na Aruba cu a registra caba pa e programa. Esaki ta haci cu mas di 900 mucha lo beneficia di e programa aki cu lo yuda nan den futuro pa tuma miho decisionnan financiero. E prome sesion di e programa lo cuminsa den December 2024, sigui cu un di dos sesion den e April 2025, e siman prome cu vakantie di Pasco grandi.
“Nos ta emociona pa mira e entusiasmo di e scolnan y educardornan pa e programa 'Invest In Me',” asina Ross Brezovar a bisa, Presidente di Kiwanis Club of Palm Beach. “Educacion Financiero ta un abilidad di bida crucial, y nos meta ta pa inspira un generacion di muchanan cu ta bini cu conosemento financiero cu lo contribui positivamente na e comunidad y asina tuma e miho desicionnan durante nan bida.”
CURICULO DI E PROGRAMA “INVEST IN ME”
E curiculo di "Invest In Me" ta diseña pa ta interactivo, envolvimento, y apropia pa e edad di e muchanan, cu ta enfatisa riba conceptonan financiero, manera:
- Spaar y Gasta di manera Sabi: Compronde e balor di placa, sa e diferencia entre nesesidad y deseo, y siña e basico di spaar.
- Basico di un Presupuesto: Introduci na e muchanan e concepto di presupuesto y con pa maneha un plan simpel financiero pa nan subsidio y ganashi.
- Establece Meta: Siña e importancia di establece un meta financiero y e pasonan pa logra esaki, yuda e muchanan pa desaroya un mentalidad di planificacion di largo termino y perseverancia.
- Compronde Entrada: Mustra e muchanan diferente fuente di ingreso, inclui trabou, subsidio, y oportunidadnan di negoshi, pa yuda nan compronde e concepto di gana placa.
YAMADA NA BOLUNTARIONAN Y SPONSORNAN
E exito di e programa "Invest In Me" ta depende di e participacion activo di e comunidad. Kiwanis Club of Palm Beach ta busca boluntarionan cu pasion den educacion pa muchanan y sponsornan pa sostone e recursonan necesario di e programa y pa sigui expande na tur e 37 scol primario den e proximo aña.
“Nos ta kere den inverti den Educacion Financiero na nos muchanan awo, nos ta inverti den e futuro lidernan di nos comunidad,” palabranan di President Ross Brezovar. “Nos ta yama un Bon Bini na tur boluntario, sponsor, y tur cu ta kere y comparti nos vision den Educacion Financiero pa nos muchanan.”
Pa mas informacion tocante e programa “Invest In Me”, con pa bira un boluntario, of con pa bira un sponsor, por bishita nos website www.kiwanispalmbeach.com.
Kiwanis Internacional ta un organisacion caritativo mundial, dedica na haci nos mundo mihor door di cambia un comunidad of un mucha cada bes. Mas informacion por haya riba: www.facebook.com/kiwanispalm beacharuba
Casibari lo vibra cu arte: “Arte di Tarima” ta bolbe cu musica, poesia y cultura bou di shelo
ORANJESTAD – E evento cultural Vibracion Cultural: “Arte di Tarima” ta bolbe riba 18 di april 2026 na Casibari, cu entrada gratis pa comunidad. Iniciativa di Fundacion Basha Foundation hunto cu varios partner, e evento ta ofrece un plataforma pa artista local – tanto emergente como estableci – pa presenta nan talento.
Fundacion Muchila Creativo ta celebra 23 aña di crecemento creativo na Aruba
ORANJESTAD - Awe ta un dia special pa Fundacion Muchila Creativo: 23 aña di dedicacion na arte, cultura y educacion inclusivo den comunidad Arubano. For di e aña 2003, e fundacion a carga un mision cla: stimula creatividad door di musica, arte visual, baile, teatro, literatura y multimedia — pa tur edad.
Aruba ta proteha su musica: consulta nacional ta marca inicio di inventario cultural
ORANJESTAD - Comision Nacional di Patrimonio Cultural Intangibel Aruba (PCI) ta lansa un consulta nacional cu sector musical pa cuminsa crea un inventario oficial di patrimonio cultural intangibel di Aruba, conforme tratado di UNESCO. E prome consulta, “Ban Combersa di Musica na Aruba”, lo enfoca riba rol di musica den identidad cultural, cu meta pa identifica, documenta y proteha expresionnan musical local. Participacion di musiconan y sector cultural ta clave pa logra esaki.
Joe Najjar a celebra 20 aña di liderazgo na La Cabana como gerente general
ORANJESTAD - Joe Najjar a celebra binti aña como General Manager di La Cabana Beach Resort & Casino. Cu mas di trinta aña di experiencia den hospitalidad y trahando cu marcanan grandi manera Wyndham, Radisson y Marriott, el a bin Aruba na 2005-2006 pa lidera e hotel den un periodo dificil. Bou di su liderazgo, La Cabana a pasa door di renobacionnan importante, a stabilisa operacionnan y a bira un destinacion fuerte den sector di timeshare. Najjar ta conoci pa su estilo practico, enfoca riba calidad di servicio, desaroyo di empleado y sostenibilidad. Su contribucion no ta limita na e hotel, pero tambe na desaroyo di turismo na Aruba, unda el a hunga un rol importante den industria y den comunidad.
Vibra Latina tabata un anochi yen di ritmo, talento y energia na Harbour Arena
ORANJESTAD – Un atmosfera electrico, un publico entusiasma y un mezcla poderoso di talento regional y internacional a marca e concierto Vibra Latina, teni diasabra anochi 28 di maart 2026 na Harbour Arena. E evento a reuni miles di fanatico cu a disfruta di musica, cultura y entretenimiento di e mas halto nivel.
Filomena College MAVO a mustra talento y futuro durante opendag 2026
SAN NICOLAS – Filomena College MAVO a celebra su opendag 2026, unda mayor y futuro alumnonan a haya oportunidad pa conoci e scol, su maestronan y metodo di enseñanza. Tema di e dia tabata “Bo ruta, bo talento, bo futuro.”
Follow NoticiaCla
